Zeremi 30:10 - Labib An Kreol Seselwa

¹⁰ Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 30:10 Referans Kwoze

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Zeremi 29:14

Mon pou les ou trouv mwan, e mon pour fer ou retourn dan ou pei, SENYER i deklare. Mon pou rasanble ou depi dan tou bann nasyon e partou kot mon ti'n sas ou. Mon pou fer ou retourn isi kot mon ti tir ou pour al annegzil, SENYER ki deklare.

Ezai 43:5

Pa bezwen per, akoz mon avek ou! Mon pou fer ou desandans retournen sorti dan Les. Mon pou rasanble lezot ki dan Was.

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Ezai 35:9

Okenn lyon pa pou vin la; ni okenn lot zannimo sovaz. Zis dimoun ki SENYER in libere ki pou kapab pran sa semen.

Levanzil dapre Zan 12:15

Pa per, fiy Siyon! La ou Lerwa pe vini; i pe asiz lo en femel bourik.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Zeremi 23:8

me: Mon fer serman par SENYER ki vivan, ki'n fer pep Izrael sorti dan pei Nor e partou dan lezot pei kot i ti sas zot, e in fer zot retourn lo zot prop later.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zakari 3:10

SENYER liniver ki deklare: Sa zour, zot pou envit kanmarad anba zot pye rezen oubyen anba zot pye fig.

Ezekyel 38:11

Ou ava deside al atak en pei san defans, en pep ki pe viv trankil an sekirite; en bann lavil ki napa ni miray proteksyon, ni baro.

Ezekyel 16:52

Ou ki'n esey blansi ou bann ser, ou devret onte akoz ou'n komet keksoz bokou pli degoutan ki zot. Aprezan, i ou tour pour perdi ou loner, akoz zot paret pli zis ki ou.

Zeremi 30:3

Sa zour pe vini kan mon pou fer mon pep Izrael ek Zida retournen e repran posesyon sa pei ki mon ti'n donn zot zanset. Mwan, SENYER, mon deklare.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Ezai 54:4

Pa per, akoz personn pa pou fer ou onte. Pa dekouraze, akoz ou pa pou ganny imilye. Ou pa pou rapel laont dan letan ou zenes; ou pou nepli mazin dezoner letan ou ti vev,

Ezai 46:13

Mon pe al egzekit mon lazistis, i pa lwen. Delivrans pa pou tarde. Mon pou anmenn delivrans Siyon, pour Izrael, mon laglwar.

Ezai 46:11

Mon apel en zwazo rapas ki dan Les. En zonm ki sorti dan en pei lwenten, pour egzekit mon bann proze. Sa ki mon prozete, mon pou fer li.

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 14:3

Zour ki SENYER ava'n donn ou repo apre bann letan douler ek tourman e apre bann letan lesklavaz ki ou ti pas ladan,

Ezai 44:1

Aprezan, ekout mwan, Zakob mon serviter, Izrael ki mon'n swazir!

Zeremi 23:4

Mon pou donn zot bann bon berze pour diriz zot, ki pou pran swen avek zot. Avek zot, mon pep pou nepli per, ni konn lafreyer; pa pou annan enn ki pou manke; SENYER i deklare.

Zeremi 29:11

Mon konn byen bann plan ki mon annan pour ou, SENYER i deklare: Bann plan ki pou anmenn prosperite pour ou, pa dezas; bann plan ki pour donn ou en lavenir ranpli avek lespwar.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zoel 2:21

Later! Pa bezwen per! Plito rezoui, akoz SENYER in akonpli bann gran mervey!

Ezai 49:12

La zot la; zot in arive sorti lwen, zot sorti, en bann dan Nor, en bann dan Was, lezot dan Sid, dan Lezip.

Danyel 12:1

Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Oze 2:20

Mon pou reganny ou par mon fidelite e ou ava konn SENYER.

Oze 6:11

Pour ou osi Zida, byento mon pe prepar en rekolt, mon pou retabli destinen mon pep.

Mise 4:9

Akoz ou pe kriye aprezan? Eski napa lerwa kot ou? Eski ou konseye in mor, pour ki douler i pran ou parey en fanm ki pe akouse?