Zeremi 3:8 - Labib An Kreol Seselwa

⁸ In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Zeremi 3:8 Referans Kwoze

Deterononm 24:1

Sipoze en zonm i pran en fanm e i marye avek li. Apre, sa fanm nepli fer li plezir, oubyen i'n dekouver keksoz ki pa satisfer li. Alor, i ava ekri en atestasyon divors ki i ava donn li dan son lanmen e fer li ale. Alor, sa fanm ava kit lakaz sa zonm.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezekyel 23:9

Alor, mon ti abandonn li avek son bann galan Asiriyen, avek ki i ti'n tonm anmoure.

Ezekyel 16:47

Ou pa'n zis kontante swiv zot bann pratik degoutan, me ou'n fer pir ki zot dan en pti moman.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Deterononm 24:3

Sipoze sa dezyenm zonm osi pa kontan li e ki i donn li dan son lanmen en atestasyon divors, e fer li ale. Sipoze ki sa dezyenm zonm i mor.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 33:24

Eski ou pa'n antann sa pep dir ki mon'n rezet Izrael ek Zida, sa de fanmir ki mon ti'n swazir? Dimoun ki koz konmsa, zot mepriz mon pep, e zot nepli konsider li koman en nasyon.

Ezekyel 16:46

Ou gran ser, Samari ek son bann fiy, i lo ou kote Nor, e ou pti ser, Sodonm, i lo ou kote Sid ek son bann fiy.

Ezekyel 16:51

Samari pa'n komet lanmwatye bann pese ki ou'n komet; ou bann pratik degoutan in depas tou sa ki zot in fer e ou bann ser i paret inosan akote bann keksoz degoutan ki ou'n fer.

2 Kronik 21:11

Yoranm ti menm enstal bann landrwa sakre lo bann montanny Zida. I ti ankouraz bann zabitan Zerizalenm pour tonm dan prostitisyon e trenn Zida dan ladorasyon bann zidol.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Ezekyel 23:44

Akoz bann zonm ti'n al kot li parey zot, al kot en prostitye. Zot ti al kot Ohola ek Oholiba, bann fanm ki anmenn en lavi imoral.