Zeremi 3:10 - Labib An Kreol Seselwa

¹⁰ Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Zeremi 3:10 Referans Kwoze

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Zeremi 12:2

Ou'n plant zot e zot in pran rasin; zot grandi e zot prodwi bann fri. Zot touzour pe dir dibyen lo ou. Selman, zot leker i lwen avek ou.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 18:44

De ki zot antann mon lavwa, zot obei. Bann etranze i vin flat mwan.

2 Kronik 34:33

Zozyas ti fer disparet tou bann pratik degoutan ki ti sorti dan tou bann pei e dan teritwar Izrael. I ti fer tou bann zabitan Izrael retournen pour servi SENYER, zot Bondye. Pandan tou lavi Zozyas, pep Izrael ti servi SENYER, Bondye zot zanset.

Ezai 31:6

Pep Izrael! Retourn ver sa enn kont lekel ou'n komet en gran traizon.

Zeremi 11:10

Zot in retourn dan fot zot zanset ki ti refize obei mwan. Zot in al ador bann bondye etranze. Izrael ek Zida in kas sa lalyans ki mon ti fer avek zot zanset.

Amos 4:9

Mon'n anvoy maladi lo zot bann plantasyon. Zot bann zarden, bann plantasyon rezen, ek zot plantasyon zoliv, in ganny devore par senir. Malgre sa, zot pa'n retourn ver mwan. SENYER ki'n deklare.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Malasi 2:11

Zida pa'n reste fidel anver Bondye. Zot in komet en akt degoutan dan pei antye e dan Zerizalenm. Zot in mank respe anver sanktyer ki SENYER i kontan. Zot in marye avek bann fanm etranze ki ador lezot bondye.