Zeremi 26:7 - Labib An Kreol Seselwa

⁷ Bann pret, bann profet ek lepep antye, ti antann Zeremi pandan ki i ti pronons sa bann parol dan tanp SENYER.

Zeremi 26:7 Referans Kwoze

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Akt de Zapot 5:17

Alor, Gran-Pret ek tou bann ki ti avek li, setadir bann manm parti Sadiseen, ti ranpli avek zalouzi anver bann zapot.

Matye 21:15

Bann gran-pret ek bann profeser Lalwa ti ankoler kan zot ti war sa bann mervey ki Zezi ti pe fer, ek tou sa bann zanfan ki ti pe kriye dan Tanp: Ozana pour Garson David!

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.