Zeremi 26:15 - Labib An Kreol Seselwa

¹⁵ Me en keksoz i sir: Si zot touy mwan, zot, ansanm avek lepep, zot pou responsab lanmor en zonm inosan, akoz SENYER in vreman anvoy mwan pour dir zot sa bann parol.”

Zeremi 26:15 Referans Kwoze

Proverb 6:17

En regar meprizan, en labous mansonz, lanmen ki fer koule disan inosan;

Nonm 35:33

Ou pa pou profann pei kot ou pe reste. Annefe, disan i rann enpir pei. Zis disan sa dimoun ki'n touye ki kapab lav disan ki'n rann pei enpir.

Revelasyon 16:6

Annefe, dimoun in vers disan ou bann sen ek ou bann profet, e ou, ou'n donn zot disan pour bwar. Zot in ganny sa ki zot merite.

Akt de Zapot 7:60

I ti tonm azenou e kriye avek en lavwa for, “Senyer! Pardonn zot pour sa pese!” Apre sa bann parol, Etyenn ti mor.

Matye 26:25

Zida, sa enn ki ti trai Zezi, ti demande, “Met, mwan sa?” Zezi ti reponn li, “Ou menm ou'n dir.”

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Zeremi 7:6

Aret abiz lo febles bann etranze, bann orfelen, bann vev. Aret touy dimoun inosan dan sa pei. Aret tay deryer lezot bondye ki pou anmenn maler lo zot.

Matye 26:4

Ansanm, zot ti deside pour aret Zezi par riz e pour touy li.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Zeremi 2:34

Menm ou lenz in ganny tase avek disan bann pov inosan. Ou byen konnen ki sa pa disan dimoun ki ou'n atrape pe kas ou lakaz.

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

2 Rwa 24:4

I ti'n fer koule telman disan inosan, ki Zerizalenm ti'n ranpli avek disan. SENYER pa ti oule pardonnen.

Deterononm 19:10

Konmsa, disan en inosan pa pou koule lo later ki SENYER, ou Bondye pou donn ou koman posesyon. Sinon, ou pou koupab pour fer koule disan inosan.

Zenez 42:22

Riben ti dir zot, “Pa mon ti dir zot pa fer ditor sa garson? Me zot pa ti oule ekoute. La aprezan nou bezwen rann kont pour son disan.”

Zenez 4:10

SENYER ti dir, “Ki ou'n fer? Disan ou frer pe kriy ver mwan depi later.

Proverb 6:16

I annan sis keksoz ki SENYER i deteste, e set ki i pa siporte:

Zeremi 26:12

Alor, Zeremi ti reponn bann sef ek lepep antye, “SENYER ki'n anvoy mwan anons tou sa ki zot in antann mwan dir kont sa tanp e kont Zerizalenm.

2 Kronik 24:22

Lerwa Zoas ti oubliy bonte Yoyada, papa Zakari anver li. I ti touy son garson ki, an mouran ti dir: SENYER pou fer ou rann kont pour sa.

Zeremi 30:1

SENYER ti koz avek Zeremi: