Zeremi 23:25 - Labib An Kreol Seselwa

²⁵ Mon'n tande sa ki bann profet pe dir. Zot pretann ki zot koz dan mon non. Zot dir: Mon'n ganny en vizyon! Mon'n ganny en vizyon! Me sa pa vre.

Zeremi 23:25 Referans Kwoze

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zoel 2:28

Apre sa, mon pou devers mon lespri lo tou dimoun: Zot zennzan ek zot zenn fiy pou profetize. Zot bann vyeyar pou ganny rev, Zot bann zennzan pou ganny vizyon.

Zeremi 29:8

Annefe, la sa ki SENYER liniver, Bondye Izrael i deklare: Pa les zot ganny anbete par bann profet ki viv parmi zot, ni par okenn sa bann ki dir zot kapab anons lavenir atraver en rev.

Zeremi 23:28

Sa profet ki'n ganny en rev, i devre rakont son rev! Sa profet ki'n antann en mesaz ki sorti kot mwan, i devre proklanm sa mesaz avek fidelite! Ki lapay pe fer avek dible? SENYER i deklare.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

Zeremi 8:6

Mon'n byen ekout zot: Zot pa'n dir laverite. Personn pa'n regret son bann move aksyon. Personn pa'n demande: Ki mal mon'n fer. Sakenn i kontiny son prop semen, parey en seval fou dan konba.

Nonm 12:6

I ti dir zot: Ekout byen mon parol! Ler i annan en profet parmi zot, mwan SENYER, mon revel mwan avek li dan en vizyon; mon koz avek li dan en rev.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.

Levanzil dapre Lik 12:3

Pour sa rezon, tou keksoz ki zot in dir dan fernwanr pou ganny proklanmen dan gran lizour, e sa ki zot in dir dousman dan zorey, dan bann lasanm an sekre, pou ganny proklanmen lo bann twa lakaz.”

Matye 1:20

Letan i ti pe mazin sa, en lanz Senyer ti aparet avek li dan en rev. I ti dir li, “Zozef, garson David! Pa bezwen per pour pran Mari koman ou fanm, akoz sa zanfan ki i pou gannyen, in ganny formen par laksyon Lespri Sen.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Zeremi 16:17

Mon war byen tou sa ki zot fer. Nanryen pa sap mwan; i kler ki zot koupab.

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Psonm 139:4

SENYER! Avan menm ki mon ouver labous, ou konnen deza ki mon pou dir.

Psonm 139:2

Ou konnen ler mon asiz e ler mon leve. Ou konn tou mon lentansyon lontan avan.

Zenez 37:9

Zozef ti ganny en lot rev ki i ti rakont son bann frer, “Mon'n ganny en lot rev: Soley, lalin ek 11 zetwal ti pe prosternen devan mwan.”

Zenez 37:5

En zour, Zozef ti ganny en rev, e kan i ti rakont son bann frer sa rev, zot ti deteste li plis ankor.

Zeremi 27:10

Annefe, tou sa ki zot anons ou koman profesi, i en bann mansonz. Si ou ekout zot, mon pou fer ou ganny deporte, mon pou anvoy ou lwen ek ou pei e ou pou disparet konpletman.

Zeremi 27:15

Mon pa'n anvoy zot, SENYER i deklare; me zot pe anons mansonz ler zot pe koz lo mon non. Si ou ekout zot, mon pou deport ou, e ansanm avek sa bann profet manter, zot pou ganny touye.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Ezekyel 22:28

Zot bann profet i kasyet tousala anba en kous lapentir. Zot rakont fo vizyon ek mansonz ki zot envante. Zot dir: La sa ki Senyer BONDYE in dir, alor ki SENYER pa'n dir nanryen.

Zakari 13:3

Si zanmen okenn profet i aparet ankor, zot papa ek zot manman ki ti fer zot, pou dir zot: Zot pa pou viv, akoz zot koz lalang lo non SENYER. Alor, zot papa e zot manman pou touy zot, pandan ki zot profetize.