Zeremi 23:21 - Labib An Kreol Seselwa

²¹ Mon pa'n anvoy okenn sa bann profet, pourtan zot pe taye. Mon pa ti donn zot okenn mesaz; me zot in koz an mon non.

Zeremi 23:21 Referans Kwoze

Zeremi 14:14

SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 27:15

Mon pa'n anvoy zot, SENYER i deklare; me zot pe anons mansonz ler zot pe koz lo mon non. Si ou ekout zot, mon pou deport ou, e ansanm avek sa bann profet manter, zot pou ganny touye.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Akt de Zapot 13:4

Alor, Barnabas ek Sol ki ti'n ganny anvoye par Lespri Sen, ti desann Selesi, kot zot ti anbarke pour al dan zil Sip.

Levanzil dapre Zan 20:21

Zezi ti dir zot ankor, “Lape i avek zot. Parey Papa in anvoy mwan, mwan osi mon anvoy zot.”

Zeremi 29:31

Anvoy sa mesaz kot tou bann egzile: La sa ki SENYER i deklare lo size Semaya ki sorti Neelanm: Akoz Semaya in koz avek zot lo mon non, san ki mon ti'n anvoy li; akoz in fer zot krwar dan en ta mansonz,

Zeremi 29:9

Zot pe koz manti ler zot dir ki zot pe koz dan mon non. Zanmen mon'n anvoy zot, SENYER i deklare.

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Ezai 6:8

Alor, mon ti antann lavwa SENYER ki ti demande, Lekel mon pou anvoye? Lekel ki pou al dan nou plas? Mon ti dir: La mon la! Anvoy mwan!

Romen 10:15

Ki mannyer en dimoun pou anons li, si napa personn ki'n ganny anvoye? Parey Lekritir i deklare: Pa i gou war arive bann ki anons Bonn Nouvel!

Zeremi 27:14

Pa bezwen ekout sa bann profet ki dir ou: Ou pa pou tonm anba pouvwar lerwa Babilonn. Sa ki zot pe anonse i en mansonz.

Zeremi 29:8

Annefe, la sa ki SENYER liniver, Bondye Izrael i deklare: Pa les zot ganny anbete par bann profet ki viv parmi zot, ni par okenn sa bann ki dir zot kapab anons lavenir atraver en rev.