Zeremi 23:12 - Labib An Kreol Seselwa

¹² Pour sa rezon, mon pou fer zot glise dan semen. Zot pou bat ek kanmarad dan fernwanr e zot pou tonbe. Mon pe anmenn maler lo zot; letan zot pinisyon in arive, SENYER i deklare.

Zeremi 23:12 Referans Kwoze

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 11:23

Personn pa pou reste vivan: Mon pou fer maler tonm lo bann zabitan Anatot, dan lannen ki zot pou rann kont.

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Psonm 35:6

Lanz SENYER ava pourswiv zot. Zot semen pou dan fernwanr e zot ava glise.

Levanzil dapre Zan 12:35

Zezi ti reponn zot, “Lalimyer i avek zot, me pour ankor en pti pe letan. Pandan ki zot annan lalimyer, kontiny zot semen pour ki fernwanr pa sirprann zot. Sa enn ki mars dan fernwanr pa konnen kote i pe ale.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Psonm 73:18

Vreman! Ou met zot lo bann semen glise; ou fer zot al ver zot destriksyon.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Let Zid 1:13

Zot fann zot bann aksyon degoutan parey bann gro laroul lanmer ki pe kras zot lekim. Zot parey bann zetwal filan, e Bondye in rezerv en plas pour zot dan fernwanr, dan profonder labim.

1 Zan 2:11

Sa enn ki deteste son frer, i dan fernwanr; i pe mars dan fernwanr. I pa konnen kote i pe ale, akoz fernwanr in rann li aveg.

Mise 7:4

Sa enn ki meyer parmi zot i parey rons. Sa enn ki pli onnet i pir ki en zarbis pikan. Sa zour rann kont ki bann santinel in anonse, in arive. Aprezan, zot dan konfizyon.

Zeremi 50:27

Masakre tou bann toro! Fer zot desann dan labatwar. Lepep Babilonn in ganny modi! Letan pour li ganny pini in arive.

Zeremi 48:44

Sa enn ki pou esey sov lafreyer, pou tonm dan lafos. Sa enn ki sorti dan lafos, pou ganny pri dan latrap, akoz SENYER in fikse letan ler Moab pour ganny detri.

Liv Zob 18:18

Zot tir dan lalimyer e zet dan fernwanr; i ganny sase dan lemonn.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Psonm 82:5

Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.