Zeremi 23:1 - Labib An Kreol Seselwa

¹ La sa ki SENYER i deklare: Maler lo sa bann berze ki detri e ki dispers bann mouton dan mon troupo!

Zeremi 23:1 Referans Kwoze

Zeremi 10:21

Nou bann sef i'n azir an fou: Zot pa'n rod konsey avek SENYER. Pour sa rezon, zot pa'n reisi e nou pep in ganny disperse dan tou kote.

Ezekyel 13:3

La sa ki Senyer BONDYE i deklare: Maler lo zot, bann profet fou ki swiv zot prop lenspirasyon, san ganny okenn vizyon.

Matye 9:36

Son leker ti ranpli avek konpasyon pour lafoul ki i ti war, akoz zot ti fatige e dekouraze. Zot ti parey bann mouton san berze.

Zeremi 22:22

Tou ou bann sef pou ganny egzile parey ou bann zanmi. Zot tou, zot pou ganny balye dan en gro divan. Zot pou dan laont akoz zot move konportman.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 50:6

Mon pep in vin parey en troupo mouton egare; zot berze in anmenn zot lo move semen. In fer zot tourn anron dan montanny; zot in rode partou dan bann kolin, ziska ler zot in oubliye kote zot reste.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Levanzil dapre Zan 10:12

Kan en anploye ki pa ni berze, ni propriyeter bann mouton, i war loulou vini, i taye; i kit bann mouton, e i sove. Alor, loulou i atak bann mouton e dispers zot.

Levanzil dapre Zan 10:10

Voler i vin zis pour vole, touye e detri. Mwan, mon'n vin pour zot ganny lavi, en lavi annabondans.

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

Ezekyel 34:31

Zot, zot mon troupo, zot mon bann mouton ki mon nouri; e mwan, mon zot Bondye. Senyer BONDYE ki deklare.

Ezekyel 34:21

Akoz zot in pouse e bouskile avek zot kote ek zot zepol, e tap koudkorn bann ki feb ziska ki zot in ganny disperse partou deor,

Zeremi 2:26

Me en zour, zot ki reste Izrael, lerwa ek sef, pret ek profet, zot osi, zot pou kouver ek laont parey en voler ki'n ganny atrape.

Levanzil dapre Zan 10:8

Sa bann ki'n vin avan mwan, zot bann voler, e bann bandi. Me bann mouton pa'n ekout zot.

Zeremi 13:17

Si, akoz ou vantardiz, ou pa ekoute, mon pour al asiz dan mon kwen. Mon pou al pler bokou, akoz troupo SENYER pe ganny deporte.

Ezekyel 36:38

Bann lavil devaste pou ranpli avek popilasyon, parey Zerizalenm ti otrefwa ranpli avek zannimo pour sakrifis pandan gran lafet. Alor, zot ava konnen ki mwan menm SENYER.

Ezekyel 34:1

SENYER ti koz avek mwan:

Zakari 10:3

Mon byen ankoler kont bann berze etranze, ki pretann diriz mon pep. Mon pou pini zot. Annefe, mwan SENYER liniver, mon pou pran swen mon troupo, pep Zida, ki'n vin son meyer seval dan lager.