Zeremi 21:12 - Labib An Kreol Seselwa

¹² Zot ki sorti dan lafanmir David, la sa ki SENYER i deklare: Pratik vre lazistis tou le bomaten. Delivre bann ki pe ganny kraze anba lanmen bann ki pli for. Sankwa, akoz zot bann move aksyon, mon lakoler pou eklate parey en dife, ki personn pa kapab tennyen.

Zeremi 21:12 Referans Kwoze

Ezai 1:17

Aprann fer sa ki byen, rod lazistis, sov sa enn ki ganny kraze; defann bann orfelen, pran ka avek bann vev.

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Zeremi 5:28

Zot in vin gro e gra. Zot move mannyer fer napa limit: Zot fer sir ki drwa bann orfelen pa ganny zize korekteman. Zot pa tenir kont drwa bann pov.

Romen 13:4

Annefe, lotorite i dan servis Bondye pour li fer ou dibyen. Me si o kontrer ou fer sa ki mal, la alor, ou devre per, akoz pa pour nanryen ki i annan pouvwar pou pini. Lotorite i la koman en serviter Bondye pour egzekit lakoler Bondye lo tou malfeter.

Levanzil dapre Lik 1:69

I'n anvoy en pwisan sover pour nou, sorti parmi desandan lerwa David, son serviter.

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Zeremi 23:19

Lakoler SENYER i parey en tanpet, en divan tourbiyon lo latet bann move dimoun.

Zeremi 5:14

Pour sa rezon, la sa ki SENYER, Bondye liniver i deklare: Zeremi! Akoz zot in koz konmsa, parol ki mon pou met dan ou labous, pou vin en dife. Sa pep ava sa dibwa ki sa dife pou devore.

Ezai 7:13

Alor Ezai ti dir: Ekoute, zot bann desandan lerwa David! I pa ase ki zot fatig zonm? Fodre ki zot osi fatig mon Bondye?

Ezai 7:2

Ler Akaz, en desandan lerwa David, ti aprann ki Aranm ti'n alye li avek Efraim, i ti ganny en sok par sa nouvel. Zot ti tranble parey fey dibwa dan divan.

Psonm 101:8

Tou le bomaten, mon pou detri bann malfeter dan pei; mon pou elimin tou malfeter dan lavil SENYER.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Zeremi 21:5

Mwan menm, mon pou lager kont ou avek tou mon lafors e dan en lakoler terib e vyolan.

Liv Zob 29:17

Me mon ti kas lanmaswar bann bandi; e mon ti sov bann viktim anba zot ledan.

2 Samyel 8:15

Alor David ti etabli son renny lo pep Izrael antye; e i ti rann lazistis son preferans lo son pep antye.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Egzod 18:13

Son lannmen, Moiz ti asiz pour ziz lepep. Zot ti reste debout devan Moiz depi bomaten ziska aswar.

Zeremi 7:5

Plito, sanz zot mannyer viv ek zot fason fer. Tret byen zot kanmarad.

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.