Zeremi 20:6 - Labib An Kreol Seselwa

⁶ Kanta ou, Pasour, ou pou ganny kaptire e ganny anvoye Babilonn avek tou ou fanmir. Ou pou mor e ganny antere laba avek tou ou bann zanmi avek ki ou'n anons mansonz.

Zeremi 20:6 Referans Kwoze

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Ezekyel 22:28

Zot bann profet i kasyet tousala anba en kous lapentir. Zot rakont fo vizyon ek mansonz ki zot envante. Zot dir: La sa ki Senyer BONDYE in dir, alor ki SENYER pa'n dir nanryen.

Zeremi 20:4

Annefe, la sa ki SENYER i deklare: Mon pou fer ou ek ou bann zanmi per zot lonbraz. Avek ou prop lizye, ou pou war lennmi masakre zot tou. Mon pou osi livre Zida anba pouvwar lerwa Babilonn ki pou anvoy zot annegzil Babilonn, kot zot ava ganny masakre.

Zakari 13:3

Si zanmen okenn profet i aparet ankor, zot papa ek zot manman ki ti fer zot, pou dir zot: Zot pa pou viv, akoz zot koz lalang lo non SENYER. Alor, zot papa e zot manman pou touy zot, pandan ki zot profetize.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Zeremi 29:32

mon pou pini Semaya ki sorti Neelanm ek son bann desandan, SENYER i deklare. Personn pa pou vin reste parmi sa pep; i pa pou war dibyen ki mon pou fer an faver mon pep, akoz in pous mon pep pour li revolte kont SENYER.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Ezai 9:15

Bann ansyen ek bann zonm enportan, se sa latet; bann profet ki ansenny mansonz, se sa lake.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Levitik 26:17

Mon pou abandonn zot e zot lennmi ava ganny laviktwar lo zot. Dimoun ki deteste zot ava domin zot e zot ava sove san ki personn i pourswiv zot.

Zeremi 20:1

Pret Pasour, garson Imer, sef bann gard dan tanp, ti antann Zeremi anons sa bann parol sorti kot SENYER.

Zeremi 14:13

Alor mon ti dir, “Malerezman, Senyer BONDYE, bann profet pe dir avek lepep ki pou napa okenn lager ni lafanmin. Dapre zot, ou'n promet ki pou annan en vre lape.”

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.