Zeremi 20:13 - Labib An Kreol Seselwa

¹³ Annou sant pour SENYER! Annou selebre SENYER! In delivre bann pov dan lanmen bann malfeter.

Zeremi 20:13 Referans Kwoze

Ezai 25:4

Ou en landrwa refiz dimoun pov; ou'n vin en refiz pour bann ki dan bezwen e dan maler; en labri kont gro lapli e en lonbraz kont lasaler. Lakoler bann lennmi kriyel i fwete kont miray, parey lapli dan movetan.

Psonm 69:33

Annefe, SENYER i ekout dimoun ki dan bezwen. I pa rezet son bann fidel ki dan prizon.

Psonm 72:4

Lerwa ava defann lakoz bann pov, ed dimoun ki dan bezwen e kraz bann eksplwater.

Psonm 34:6

Kan en malere i kriye, SENYER i antann li. I delivre li dan tou son detres.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Zeremi 31:7

La sa ki SENYER i deklare: Sant bann kantik lazwa pour Izrael! Kriy avek pasyon pour sa pli gran nasyon. Fer tande zot louanz e kriye: SENYER! Sov ou pep, sa restan pep Izrael.