Zeremi 20:10 - Labib An Kreol Seselwa

¹⁰ Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 20:10 Referans Kwoze

Psonm 41:9

Menm mon meyer zanmi avek ki mon ti fer konfyans, ki'n partaz mon repa, in vir kont mwan.

Psonm 31:13

Mon antann zot fer kalonmni lo mwan; lafreyer i partou otour mwan. Zot tou, zot in groupe kont mwan; zot pe fer konplo pour touy mwan.

Ezai 29:21

Sa bann ki fer fos akizasyon, ki met en latrap pour bann ziz devan laport lavil e ki, san okenn rezon, fer en inosan ganny kondannen.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Akt de Zapot 24:13

Sa bann dimoun napa laprev pour okenn lakizasyon ki zot in fer kont mwan.

Ezekyel 22:9

Kot ou, i annan ki fer kalonmni pour fer disan koule. Zot manz dan bann landrwa sakre lo montanny e livre zot dan en lavi debos.

Zeremi 6:25

Pa sorti pour al dan lakanpanny, ni al marse dan semen, akoz lennmi i la, i pe masakre dan tou kote.

Proverb 10:18

Sa enn ki kasyet son laenn i en manter. Sa enn ki fann mansonz i en fou.

Levanzil dapre Lik 20:20

Alor, zot ti sirvey Zezi e anvoy bann espyon kot li. Zot ti fer sanblan zot ti senser, pour zot esey met li dan en pyez par son parol, pour answit livre li avek lotorite ek pouvwar gouverner.

Liv Zob 19:19

Tou mon bann zanmi entim i mepriz mwan. Dimoun ki mon ti kontan in tourn kont mwan.

1 Rwa 21:20

Akab ti dir Eli, “La ou'n trouv mwan, mon lennmi!” Eli ti dir li, “Mon'n trouv ou akoz ou'n kontan fer tou sa ki depler SENYER.

1 Rwa 19:2

Zezabel ti anvoy en mesaze kot Eli pour dir li, “Mon demann bann bondye pini mwan, si demen, menm ler, mon pa'n fer avek ou lavi parey ou'n fer avek pour zot.”

Akt de Zapot 7:54

Kan zot ti antann sa bann parol, bann manm Konsey ti pran en gran lakoler, e zot ti grens zot ledan kont Etyenn.

Akt de Zapot 5:33

Ler zot ti antann sa, bann manm Konsey ti pran en gran lakoler. Zot ti deside pour touy bann zapot.

Psonm 57:4

Mon'n ganny antoure par bann lyon feros, bann zonm ki annan ledan parey lans ek dart. Zot lalang i koupe parey en lepe byen fite.

1 Rwa 22:27

Ou ava dir: La sa ki lerwa in dir: Met sa zonm dan prizon, e donn li zis rasyon dipen ek delo ziska ki mon retournen sen e sof.”

1 Rwa 22:8

Lerwa Izrael ti dir Zozafat, “I annan ankor en zonm par ki nou kapab konsilte SENYER. Sa i Mise, garson Imla. Me mon pa kontan li, akoz i pa zanmen profetiz sa ki bon pour mwan; i touzour anons maler.” Me Zozafat ti dir, “Lerwa pa kapab koz konmsa.”

Zeremi 11:19

Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Zeremi 11:21

Pour sa rezon, la sa ki SENYER i deklare kont bann zabitan Anatot ti oule mon lanmor. Zot ti'n dir: Si ou kontinyen koz koman en profet lo non SENYER, nou pou touy ou.

Zeremi 20:3

Lannmen bomaten, Pasour ti fer larg Zeremi ki ti dir li: SENYER pou nepli apel ou Pasour, me Magor-Misabib, savedir Laper ki partou.

Zeremi 37:13

Me ler i ti ariv kot baro Benzamen, i ti tonm lo Yiriya, garson Selemia, garson Hananya ki ti zofisye ansarz bann gard. Hananya ti aret profet Zeremi. I ti dir li, “Ou pe al rann ou lekor avek bann Babilonyen.”

Danyel 6:4

Alor, sa bann sef ek bann gouverner ti rod fason pour akiz Danyel lo size zafer leta. Me, zot pa ti trouv nanryen kont li pour kapab akiz li, ni neglizans, ni okenn fot; i ti en zonm konfyans, san defo.

Psonm 31:14

Me mwan, mon'n met mon konfyans dan ou, SENYER. Mon dir: Ou menm mon Bondye.

Psonm 41:10

Me ou SENYER! Par pitye, geri mwan; lev mwan e mon ava fer zot peye.

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.