Zeremi 2:13 - Labib An Kreol Seselwa

¹³ Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zeremi 2:13 Referans Kwoze

Levanzil dapre Zan 4:14

Me sa enn ki bwar delo ki mwan mon pou donn li, i pa pou zanmen swaf. Sa delo ki mon pou donn li, pou vin en sours lavi eternel ki pou koul annabondans.”

Levanzil dapre Zan 7:37

Dernyen zour lafet ki pli solannel, Zezi ti debout devan lafoul. I ti dir byen for, “Sa enn ki swaf, vini! Vin kot mwan, vin bwar.

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Revelasyon 21:6

I ti dir mwan: Tou keksoz in akonpli! Mwan menm Alfa ek Omega, konmansman ek lafen. Sa enn ki swaf, mon pou donn li gratwitman drwa bwar dan sours delo lavi.

Psonm 36:9

Ou menm sours lavi; dan ou lalimyer, nou war lalimyer.

Revelasyon 22:1

Apre sa, lanz ti montre mwan larivyer delo lavi, ki ti kler koman kristal, sorti kot tronn Bondye ek tronn Zenn Mouton.

Ezai 55:2

Akfer ou depans ou larzan pour aste sa ki pa nouri ou? Akfer fatig ou pou sa ki pa donn satisfaksyon? Ekout mwan byen, manz sa ki bon e ou ava byen apresye bon manze.

Revelasyon 22:17

Lespri ek Nouvel Marye i dir: Vini! Ou ki tande, dir: Vini! Sa ki swaf, vini! Sa ki anvi, vin pran delo lavi gratwitman!

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 2:11

Zanmen en nasyon in sanz son bondye, menm si i pa bondye. Me mon pep in sanz son loner pour swazir bann bondye ki pa kapab ed li.

2 Pyer 2:17

Sa bann zonm, zot parey bann sours ki'n sek, zot parey bann nyaz pouse par en tanpet. I annan en plas dan fernwanr rezerve pour zot.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Eklezyas 2:26

I donn lasazes, konnesans ek lazwa sa enn ki fer li plezir. Me sa enn ki mal azir, i fer li rasanble bann byen pour sa enn ki fer plezir Bondye. Sa i zis vanite, konmsi ou pe tay deryer divan.

Zeremi 15:6

Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Ezai 63:8

Akoz i ti'n dir: San okenn dout, i mon pep; mon bann zanfan ki pa pou fer frod e i ti vin en sover pour zot,

Ezai 5:13

Pour sa rezon, mon pep pou ganny deporte akoz i pa konpran. Son bann gran zans pou mor lafen e popilasyon antye pou mor laswaf.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Eklezyas 2:11

Alor, mon ti konsider tou sa ki mon'n akonpli, travay dir ki mon'n realize avek bokou lapenn: Tousala i vanite, konmsi mon pe tay deryer divan. I pa vreman anmenn okenn lavantaz anba soley.

Eklezyas 1:2

Sa zonm saz i dir: Tou i vanite. Tou keksoz i anven e initil!

1 Samyel 12:10

Zot ti kriy ver SENYER: Nou'n fer pese, nou'n abandonn SENYER e nou'n servi bann Baal ek bann Astarte. Aprezan, delivre nou dan lanmen nou bann lennmi e nou ava servi ou.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Eklezyas 4:4

Mon'n war osi ki bann dimoun ki zot aktivite i selman pour reisir e depas lezot. Sa ankor i anven e en lakours deryer divan.

Zeremi 2:26

Me en zour, zot ki reste Izrael, lerwa ek sef, pret ek profet, zot osi, zot pou kouver ek laont parey en voler ki'n ganny atrape.

Eklezyas 2:21

En dimoun in travay avek lasazes, konnesans ek sikse; i bezwen kit sa ki i'n realize pour en lot ki pa'n fer nanryen. Sa osi i vanite.

Eklezyas 1:14

Mon'n war tou sa ki ganny fer anba soley; tousala i zis vanite, initil, konmsi ou pe tay deryer divan.

Ziz 10:13

Me zot, zot in abandonn mwan e zot in al servi lezot bondye. Pour sa rezon, mon pa pou delivre zot ankor.

Mise 6:3

Mon pep! Ki mon'n fer ou? Ki mon'n fer pour fatig ou? Reponn mwan!

Mise 2:8

Me ou dres ou koman lennmi mon pep. Ou vol lenz bann ki pas anpe, bann ki pase sorti lager avek konfyans.

Zeremi 18:14

Eski lannez i arete kouver latet bann montanny dan Liban? Eski delo larivyer ki sorti dan montanny i aret koule?

Zeremi 5:26

Parmi mon pep, i annan bann ki koupab. Zot parey bann saser zwazo. Zot tal zot lasenn e veye, zot kasyet pour zot atrap dimoun.

Eklezyas 12:8

Eklezyas i dir: Tousala i initil, i pa fer sans.

Levanzil dapre Zan 4:10

Zezi ti dir li, “Si ou ti konn kado Bondye, e lekel ki pe dir ou: Donn mwan en pe delo pour bwar! Ou menm ou ti ava demann li, e i ti ava'n donn ou delo ki donn lavi.”

Levanzil dapre Zan 4:11

Sa fanm ti dir, “Senyer, ou napa nanryen pour pran delo avek, e sa pwi i fon. Kote ou pou ganny sa delo ki donn lavi?

Deterononm 31:16

SENYER ti dir Moiz: Byento ou pe al rezwenn ou bann zanset e sa pep pou tonm dan prostitisyon avek bann bondye etranze ki dan sa pei kot zot pe ale. Zot pou abandonn mwan e kas mon lalyans ki mon ti fer avek zot.

Ezai 12:3

Avek lazwa, ou pou tir delo dan bann sours lavi.

Zeremi 14:3

Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Zeremi 19:4

Annefe, bann zabitan Zida in abandonn mwan. Mon pa rekonnet sa landrwa ki zot in profannen avek zot bann sakrifis an loner bann fo bondye, bann fo bondye ki ni zot, ni zot zanset, ni bann lerwa Zida pa'n zanmen konnen. Zot in ranpli sa plas avek disan dimoun inosan.

Ezekyel 47:1

Sa zonm ti retourn avek mwan kot lantre tanp kot ti annan en sours delo ki ti sorti anba padport tanp, lo kote Les. Annefe, tanp ti vir dan kote Les. Delo ti sorti anba e koul lo kote drwat tanp, kote Sid lotel.

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

2 Rwa 22:17

Akoz zot in abandonn mwan e ofer lansan devan lezot bondye, en tel pwen ki zot in ofans mwan par tou sa ki zot in fer, mon lakoler kont sa landrwa in monte, e i pa pou kalme.

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.