Zeremi 17:8 - Labib An Kreol Seselwa

⁸ I parey en pye dibwa plante obor delo. Son rasin i desann ver larivyer. I pa per kan letan lasaler i vini, son fey i reste touzour ver. En lannen lasesres pa trakas li; i kontinyen donn fri.

Zeremi 17:8 Referans Kwoze

Psonm 1:3

I parey en pye dibwa ki'n ganny plante obor larivyer, ki raport fri dan son sezon; son fey i reste touzour ver. I reisi dan tou sa ki i antreprann.

Ezai 58:11

SENYER pou touzour gid ou e donn ou tou sa ki ou bezwen. I pou redonn ou lafors ler ou dan difikilte e ou ava parey en zarden byen aroze, parey en sours ki pa zanmen mank delo.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Liv Zob 8:16

I ranpli avek lasev, dan ker soley, i tal son bann brans dan zarden.

Liv Zob 29:19

Mon bann rasin pou absorb delo, e aswar, laroze ava rafresi mon bann brans.

Proverb 11:28

Sa enn ki met son konfyans dan son larises pou tonbe; me sa enn ki zis, pou devlope parey feyaz.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Zeremi 39:18

Mon pou protez ou pour ki personn pa pou kapab touy ou. Ou pou sov ou lavi akoz ou ti met ou konfyans dan mwan, SENYER i deklare.

Ezekyel 31:3

Ou gran parey en pye sed Liban, avek bann zoli brans ki donn lonbraz, e son leker i mont ziska dan nyaz.