Zeremi 17:6 - Labib An Kreol Seselwa

⁶ I parey en zarbis dan dezer ki pouse dan en later sek, dan en later vid, ranpli avek disel kot nanryen pa pouse, kot personn pa reste.

Zeremi 17:6 Referans Kwoze

Liv Zob 20:17

I pa pou war ankor bann larivyer dimyel, ni bann sours lakrenm dile.

Psonm 1:4

I pa parey bann malfeter: Zot koman lapay ki voltize dan divan.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

Zeremi 48:6

Depese! Sov zot lavi! Taye, parey en bourik sovaz dan dezer!

Liv Zob 39:6

Mon'n donn li en rezyon sek kot pour li reste; son landrwa reste i bann laplenn sale.

Sofoni 2:9

Alor, la sa ki SENYER liniver, Bondye Izrael, i deklare: Osi vre ki mon vivan, Moab pou vin parey Sodonm; bann Amonit parey lavil Gomor. Sa pei pou vin en landrwa kouver avek move zerb, bann basen disel, en pei detri pour touzour. Leres sirvivan parmi mon pep pou depouy li. Restan mon pep pou pran posesyon zot patrimwann.

Ziz 9:45

Tou lazournen, Abimelek ti lager kont lavil. I ti pran sa lavil e masakre tou son bann zabitan. Apre, i ti detri lavil e fann disel partou.

Ezekyel 47:11

Me son bann lanmar pa pou vin delo dou; i pou ganny servi koman en rezerv disel.

Ezai 1:30

Annefe, zot pou vin parey sa bann pye dibwa ki'n perdi zot fey; parey en zarden kot nepli annan delo.

Psonm 92:7

Menm si bann malfeter i pous parey move zerb e bann ki fer sa ki mal i prospere, zot pou ganny detri pour touzour.

2 Rwa 7:2

Sa zofisye ki lerwa ti pe apiy lo son zepol ti dir avek profet Bondye, “Menm si SENYER ti fer bann lafnet dan lesyel, eski sa i ava kapab arive?” Elize ti reponn, “Ou ava war avek ou prop lizye, me ou pa pou manze.”

Psonm 107:34

Akoz mesanste son bann zabitan, en later fertil in vin en laplenn disel.

Zeremi 29:32

mon pou pini Semaya ki sorti Neelanm ek son bann desandan, SENYER i deklare. Personn pa pou vin reste parmi sa pep; i pa pou war dibyen ki mon pou fer an faver mon pep, akoz in pous mon pep pour li revolte kont SENYER.