Zeremi 17:5 - Labib An Kreol Seselwa

⁵ La sa ki SENYER i deklare: Mon modi sa zonm ki met son konfyans dan zonm, ki met son konfyans zis dan zonm, ki rod son lafors dan bann mwayen imen. Son leker i lwen avek SENYER.

Zeremi 17:5 Referans Kwoze

Ezai 2:22

Pa pran ka pour imen; i annan zis en souf dan son nennen. I pa vo nanryen.

2 Kronik 32:8

Avek li, i annan zis lafors imen, me SENYER, nou Bondye i avek nou. Li menm nou sekour e i pou konbat dan nou plas. Parol Ezekyas, lerwa Zida, ti donn konfyans lepep.

Ezai 36:6

Ou pe met ou konfyans lo Lezip ki en banbou kase ki pers lanmen sa enn ki apiy lo la. La ki mannyer Faraon, lerwa Lezip, i ete pour tou sa ki met konfyans dan li.

Psonm 62:9

Bann et imen i parey en souf respirasyon; bann zabitan later, zot manter. Si zot mont lo en balans, zot pa pou pez plis ki en souf.

Psonm 18:21

Mon'n met an pratik komannman SENYER. Mon'n reste fidel anver mon Bondye.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Ezai 59:15

Laverite in disparet; sa enn ki oule reste onnet i ganny depouye. SENYER in war li e in mekontan ki ti napa lazistis.

2 Kronik 16:12

Dan trantnevyenm lannen son renny, i ti ganny en maladi grav dan son de lipye. Malgre sa, i pa ti rod led SENYER, me i ti prefere al rod led bann geriser.

Ezai 20:5

Zot pou efare e dan laont, akoz zot ti'n met zot konfyans dan Letyopi, e vant zot lekor akoz Lezip.

Zeremi 11:3

La sa ki SENYER, Bondye Izrael i deklare: Sa enn ki pa obei kondisyon sa lalyans pou ganny modi.