Zeremi 17:10 - Labib An Kreol Seselwa

¹⁰ Mwan, SENYER, mon teste sa ki zonm i mazinen; mon egzamin son bann santiman. Mon tret sakenn dapre son mannyer viv, dapre son bann aksyon.

Zeremi 17:10 Referans Kwoze

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”

Romen 8:27

Alor, Bondye ki war dan leker, i konpran sa ki Lespri i oule demande. Annefe, Lespri i priy an faver bann krwayan, parey Bondye i dezire.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Zeremi 20:12

SENYER liniver! Ou teste bann ki fidel anver ou. Ou teste zot leker ek zot lespri. Mon'n plas mon problenm dan ou lanmen. Fer mwan war ou vanzans lo zot, akoz mon'n konfye mon problenm i dan ou lanmen.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

Revelasyon 22:12

Zezi ti azoute: Mon pe vini byento. Mon pou anmenn avek mwan mon rekonpans pour mwan pey sakenn dapre son bann aksyon.

Matye 16:27

Annefe, Fis-de-Lonm pou vini dan mazeste son Papa avek son bann lanz. I pou rekonpans sakenn dapre son bann aksyon.

Psonm 62:12

SENYER! Ou fidelite i pour touzour. Ou rekonpans sakenn dapre son bann aksyon.

Proverb 17:3

Dife i teste lor ek larzan; me SENYER i sond leker.

Revelasyon 20:12

Mon ti war bann mor, gran koman pti, pe debout devan tronn, e bann liv ti'n ouver. Ti annan osi en lot liv ki ti'n ouver: Liv lavi. Bann mor ti ganny zize dapre sa ki zot ti'n fer, e dapre sa ki ti'n ganny ekri dan sa bann liv.

2 Kronik 6:30

Alor, ou SENYER ekout zot depi lao dan lesyel kot ou reste, pardonn zot, tret zot dapre sa ki zot merite, akoz ou konn leker sakenn zot; wi, zis ou tousel ki konn leker bann imen.

Levanzil dapre Zan 2:25

I pa ti bezwen personn pour fer li konn zot, akoz i ti konnen sa ki i annan dan leker imen.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

Mise 7:13

Me later pou vin dezer, akoz son bann zabitan, akoz rezilta mesanste son zabitan.

Matye 6:4

Ou bon aksyon i devre reste sekre. Ou Papa ki war ou aksyon dan sekre, ava rekonpans ou.

Akt de Zapot 1:24

Zot ti priye, “Senyer! Ou ki konn leker tou dimoun, montre nou ant sa de, lekel ki ou'n swazir,

1 Rwa 8:39

depi ou demer dan lesyel, ekout li, pardonn li, azir e fer pour li, dapre son kondwit, akoz zis ou ki konn leker et imen.

Psonm 44:21

Bondye ki konn sekre leker imen, pa ti ava'n remarke?

Eklezyas 9:3

La kot i mal dan tou sa ki pase anba soley: En menm sor pour tou dimoun san okenn eksepsyon. Leker imen i plen avek mesanste, lafoli i ranpli zot leker depi zot lazenes ziska zot lanmor.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Ezekyel 11:5

Lespri SENYER ti sezi mwan e dir mwan: Dir: La sa ki SENYER i deklare: Mon konnen ki mannyer ou koze, pep Izrael. Mon konnen sa ki ou mazinen.

Ezekyel 14:5

Konmsa, mon pou tous leker pep Izrael ki'n abandonn mwan akoz zot zidol.

Liv Zob 34:11

I rekonpans zonm dapre son bann aksyon. I tret zot dapre zot mannyer viv.

Psonm 7:10

SENYER i mon protekter. I sov sa enn ki annan en leker pir.

Psonm 44:22

Akoz ou, nou ganny martirize tou lazournen e ganny trete parey mouton pour labatwar.

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Zeremi 23:2

Akoz tousala, la sa ki SENYER, Bondye Izrael, i deklare kont sa bann berze ki sipoze pran swen son pep: Zot pa'n okip mon troupo; zot in dispers li dan tou kote. Alor, mwan ki pou okip zot e pini zot mannyer fer, SENYER i deklare.