Zeremi 16:2 - Labib An Kreol Seselwa

² “Ou pa devre marye, ni fer zanfan dan sa pei.

Zeremi 16:2 Referans Kwoze

Levanzil dapre Lik 23:29

Ler pe vini kan dimoun pou dir: Ere bann fanm steril ki pa'n zanmen fer zanfan, ni donn tete.

Levanzil dapre Lik 21:23

Maler pour bann fanm ansent e bann ki pe donn tete pti baba pandan sa letan! Annefe pou annan gran detres dan pei, e lakoler Bondye pou ganny manifeste kont sa pep.

Zenez 19:14

Alor, Lot ti al kot son bann zann, sa bann ki ti pou marye avek son bann fiy. I ti dir zot, “Leve! Kit sa landrwa, akoz SENYER pou detri lavil.” Me son bann zann ti pran sa koman en fars.

Matye 24:19

Maler pour bann fanm ki ansent ek bann ki ava pe donn tete pandan sa bann zour!

Zeremi 16:1

La sa ki SENYER ti dir mwan,

Zeremi 16:3

Annefe, la sa ki mwan SENYER, mon deklare lo sa ki pou arive avek bann zanfan ki'n ne dan sa pei, e avek zot paran:

Zeremi 29:6

Marye e fer bann garson ek bann fiy. Fer zot bann zanfan marye e zot ava fer zanfan, akoz fodre ki zot popilasyon i ogmante; fodre pa ki i diminyen.

Lamantasyon 2:22

Ou'n envit mon bann lennmi par tou kote, konmsi en zour lafet. Zour lakoler SENYER ti leve, personn pa'n kapab sape; napa okenn sirvivan. Mon lennmi in masakre bann zanfan ki mon'n elve, e ki mon'n dorlote.