Zeremi 15:10 - Labib An Kreol Seselwa

¹⁰ Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.

Zeremi 15:10 Referans Kwoze

Levanzil dapre Lik 6:22

Zot byennere, kan dimoun i ay zot, e malparl zot; kan zot ganny rezete, ensilte e dimoun i dir dimal lo zot akoz Fis-de-Lonm!

Egzod 22:25

Si ou pret larzan en pov parmi mon pep, pa fer parey lezot dimoun ki pret larzan: Pa demann li okenn lentere.

Levanzil dapre Lik 2:34

Simeon ti beni zot. Apre, i ti dir avek Mari: Sa pti zanfan in ganny swazir pour abes e relev bokou dimoun dan Izrael. I pou en siny kontradiksyon.

Matye 24:9

Zot pou ganny persekite e ganny met anmor. Dimoun pou ay zot akoz mwan.

Matye 5:44

Me mwan mon dir zot: Kontan zot bann lennmi e priy pour bann ki persekit zot.

Zeremi 15:20

Devan sa bann dimoun, mon pou fer ou vin solid parey en miray fortifye an bronz. Si zot esey fer lager kont ou, mon pou avek ou pour protez ou, gard ou e delivre ou.

Proverb 26:2

Parey zwazo ki pase, parey zirondel ki anvole, malediksyon san rezon pa pran lo personn.

Psonm 109:28

Ler zot modi, ou, ou beni. Zot ti atak mwan, zot ganny imilye.

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

1 Rwa 22:8

Lerwa Izrael ti dir Zozafat, “I annan ankor en zonm par ki nou kapab konsilte SENYER. Sa i Mise, garson Imla. Me mon pa kontan li, akoz i pa zanmen profetiz sa ki bon pour mwan; i touzour anons maler.” Me Zozafat ti dir, “Lerwa pa kapab koz konmsa.”

1 Rwa 21:20

Akab ti dir Eli, “La ou'n trouv mwan, mon lennmi!” Eli ti dir li, “Mon'n trouv ou akoz ou'n kontan fer tou sa ki depler SENYER.

Levitik 25:36

Ou pa pou fer li pey lentere ni eksplwat li. Montre respe pour ou Bondye; les li viv avek ou.

Akt de Zapot 28:22

Me nou ti anvi konn ou lopinyon, akoz partou, bokou dimoun pe koz kont sa group ki ou ladan.”

Levitik 25:37

Ou pa devre pret li larzan avek lentere e ou pa devre fer profi lo manze ki ou donn li.

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Habakouk 1:3

Akoz ou fer mwan war lemal, e ou regar i kontinyen reste lo lenzistis? Otour mwan, i annan zis ravaz ek vyolans. Partou, i annan zis kerel ek dispit.