Zeremi 14:8 - Labib An Kreol Seselwa

⁸ SENYER! Ou ki lespwar Izrael, ou ki son sover dan maler, akoz ou pas parey en etranze dan pei? Akoz ou konport ou parey en vwayazer ki pas zis en lannwit?

Zeremi 14:8 Referans Kwoze

Zeremi 17:13

SENYER! Izrael in met son lespwar dan ou. Tou sa bann ki abandonn ou pou onte. Tou sa bann ki pou pran zot distans avek mwan, ki sours lavi, pou disparet parey en non ki'n ganny ekri dan lapousyer.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Ezai 43:3

akoz mwan menm SENYER ou Bondye, Bondye Sen Izrael, ou Sover. Mon'n donn Lezip koman en ranson pour ou delivrans. Mon'n esanz Letyopi ek Seba dan ou plas.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Zoel 3:16

SENYER i kriye depi Siyon; i fer tande son lavwa depi Zerizalenm. Lesyel ek later i tranble. Me SENYER i en labri pour son pep, en proteksyon pour Izrael.

Ezai 45:21

Koze! Prezant zot ka. Diskit ansanm avek kanmarad. Lekel ki'n fer konnen tousala depi lontan? Lekel ki'n anons tousala? Pa mwan, SENYER? Napa okenn lot bondye apard mwan, en Bondye ki zis e Sover. Napa okenn lot bondye apard mwan.

Ezai 43:11

Mwan, zis mwan ki SENYER; apar mwan, napa en lot ki kapab sov ou.

1 Timote 1:1

Sa let i sorti kot Pol, zapot Zezi-Kri lo lord Bondye, nou Sover ek Zezi-Kri ki nou lesperans.

Akt de Zapot 28:20

Pour sa rezon ki mon'n demann pour war zot e koz avek zot. Se akoz lespwar pep Izrael ki mon dan sa lasenn.”

Ezai 45:15

Vreman ou en Bondye ki reste kasyet; Ou, Bondye Izrael, ki Sover!

Psonm 138:7

Menm si mon viv dan milye maler, ou protez mon lavi; ou lev ou lanmen kont lakoler mon bann lennmi e ou lanmen drwat i delivre mwan.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 9:9

SENYER i en soutyen pour sa enn ki ganny meprize. I en soutyen dan letan maler.

Psonm 10:1

SENYER! Akoz ou reste lwen avek mwan? Akoz ou kasyet ou kan mon dan maler?

Ziz 19:17

I ti lev lizye e apersevwar sa vwayazer lo plas piblik lavil. Sa vyeyar ti demann li, “Kot ou pe ale? Kot ou sorti?”

Psonm 71:5

Senyer BONDYE! Ou menm mon lespwar. Depi mon lazenes SENYER, mon fer ou konfyans.

Ezai 63:8

Akoz i ti'n dir: San okenn dout, i mon pep; mon bann zanfan ki pa pou fer frod e i ti vin en sover pour zot,

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Zakari 9:12

Prizonnyen ki annan ankor lespwar! Retourn dan ou fortifikasyon. Ozordi mon deklare: Mon pou double ou rekonpans.

Psonm 46:2

Pour sa rezon, nanryen pa pou fer nou per: Menm si i annan tranblemandter; menm si montanny i tranble dan milye lanmer;

Ezai 33:2

SENYER! Pran pitye pour nou! Nou'n met nou konfyans dan ou. Ou ki nou lafors tou le bomaten, nou sover dan letan maler.

Zeremi 16:19

Ou menm, SENYER, ki mon lafors, mon refiz dan langwas. Par tou kote lo later, bann nasyon pou vin dir ou: Nou bann zanset in erit zis mansonz; bann fo bondye ki pa ti kapab fer nanryen.