Zeremi 14:3 - Labib An Kreol Seselwa

³ Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Zeremi 14:3 Referans Kwoze

2 Samyel 15:30

David ti monte dan direksyon montanny Olivye. I ti monte an pleran, latet kouver; i ti pe mars pyeni; tou sa ki ti avek li ti osi kouver latet, e zot ti monte an pleran.

Psonm 40:14

Fer onte bann ki esey touy mwan. Fer rekile e met dan konfizyon tou bann ki rod mon maler.

2 Rwa 18:31

Pa ekout Ezekyas akoz la sa ki lerwa Asiri i dir: Fer lape avek mwan e vin lo mon kote. Sakenn zot pou manz son prop rezen e son prop fig; sakenn zot pou bwar delo son prop pwi,

Amos 4:8

Zabitan detrwa lavil in marse pour zot rod delo pour bwar, me zot pa'n pas zot laswaf. Malgre sa, zot pa'n retourn ver mwan. SENYER ki deklare.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zoel 1:20

Menm bann zannimo sovaz i sipliy ou, akoz delo dan bann larivyer in sek, dife pe bril tou pye dibwa dan lakanpanny.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Zeremi 14:4

Lapli pa'n tonbe, later i sek. Bann fermye i dezapwente; zot bes latet.

Psonm 109:29

Fer ki mon bann akizater i ganny dezonore. Ki zot ganny kouver ek laont, parey en lenz.

Liv Zob 6:20

Zot dezapwente akoz zot ti'n met zot konfyans. Kan zot ti arive, zot lespwar i disparet.

Ester 6:12

Apre, Mardose ti retourn dan son plas dan pale rwayal, tandis ki Haman ti depese pour retourn se li, tou kanmi, e latet kouver.

1 Rwa 17:7

Me, apre en serten letan, sa larivyer ti sek akoz lapli pa ti'n tonbe dan pei.

2 Samyel 19:4

Lerwa ti'n kouver son figir, e kontinyen kriye, “Mon garson Absalon! Absalon, mon garson, mon garson!”

Zeremi 2:37

Lezip osi, ou pou kit li dan laont, avek ou de lanmen lo latet. Mwan, SENYER, mon'n rezet sa bann dan ki ou ti'n met ou konfyans. Ou pa pou ganny nanryen avek zot.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 15:18

Akoz mon pe kontinyen soufer? Akoz mon bann blesir pa pe geri? Zot pa pe sikatrize. Ou'n vreman dezapwent mwan parey en sours sek dan sezon lapli.

Lamantasyon 4:4

Son bann piti in telman swaf ki zot lalang i kole dan pale. Bann zanfan i demann manze; me napa personn pour donn zot.

Oze 2:3

Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Zakari 14:17

Sa fanmir ki pa mont Zerizalenm pour ador lerwa, pa pou ganny lapli.

Amos 4:7

Mon'n anpes lapli tonbe depi trwa mwan avan rekolt. Mon'n fer lapli tonm lo en lavil me pa lo en lot lavil. Lapli in tonm lo en plantasyon me sa enn ki pa'n ganny lapli, in sek.