Zeremi 13:23 - Labib An Kreol Seselwa

²³ Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Zeremi 13:23 Referans Kwoze

Zeremi 2:22

Menm si ou lav ou avek tou kalite savon tre for, mark ou fot pou kanmenm reste devan mwan, Senyer BONDYE i deklare.

Zeremi 9:5

Zot tou, zot tronp zot prosen. Personn pa dir laverite. Zot in byen egzers zot lalang pour koz manti. Zanmen zot pou arete.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zeremi 2:30

Mon'n esey koriz ou bann zanfan; me sa pa'n servi dan nanryen. Parey en lyon anraze, ou'n masakre bann profet ki mon ti'n anvoy ou.

Ezai 1:5

Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Proverb 27:22

Menm si ou kraz en fou dan en pilon, avek bann lagrenn, son lafoli pa pou separe avek li.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

1 Samyel 19:21

Kan Sail ti antann sa, i ti anvoy lezot zonm; zot osi, zot ti profetize. Sail ti anvoy en trwazyenm group zonm; zot osi, zot ti profetize.

2 Rwa 17:40

Me zot pa ti ekoute e zot ti kontinyen pratik zot bann koutim parey avan.

Eklezyas 1:15

Sa ki tord pa kapab ganny drese; sa ki manke, pa kapab ganny konte.