Zeremi 13:11 - Labib An Kreol Seselwa

¹¹ Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Zeremi 13:11 Referans Kwoze

Zeremi 33:9

Alor, i ava en gran plezir pour mwan pronons sa non: Zerizalenm. Sa lavil pou fer mon loner e mon pou fyer devan tou bann pep lo later. Sak nasyon pou tranble avek lafreyer kan zot ava antann tou sa bann bon keksoz ki mon fer pour pep Zerizalenm e koman mon'n fer sa lavil prospere.

Ezai 43:21

Sa pep ki mon'n formen zis pour mwan ava sant mon louanz.

Psonm 81:11

Me mon pep pa ti ekout mon lavwa. Izrael ti refize obeir mwan.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Zeremi 32:20

Otrefwa, ou ti akonpli bann mervey, bann keksoz fantastik dan pei Lezip; ou kontinyen fer tousala ozordi ankor dan Izrael e parmi tou bann imen. Sa i fer ki partou, dimoun i konn ou ozordi.

Zeremi 13:10

Zot en pep rebel ki refize obei mwan. Dan zot lantetman, zot in kontinyen swiv zot prop dezir; zot in kontinyen ador e servi lezot bondye. Alor, zot pou vin parey sa sang ki nepli bon pour nanryen.

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Zeremi 6:17

Mon'n met bann santinel pour veye. Ekout byen ler tronpet i sonnen. Me ou'n reponn: Mon pa pou port atansyon.

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Psonm 147:20

Zanmen in azir parey anver okenn lot nasyon. Zot pa konn son bann komannman. Loue SENYER!

Psonm 135:4

Annefe, SENYER in swazir Zakob zis pour li, Izrael koman son byen personnel.

Deterononm 26:18

Ozordi, SENYER in fer ou promet pour ou vin son pep parey i ti dir ou; ou ava obzerv tou son bann komannman.

Deterononm 4:7

Annefe, lekel sa lot gran nasyon ki annan en bondye ki si pros avek li parey SENYER, nou Bondye, sak fwa ki nou apel li?

Levanzil dapre Lik 10:11

Nou sekwe kont zot, lapousyer zot lavil ki'n kole avek nou lipye. Me konnen kanmenm ki Rwayonm Bondye in ariv pros avek zot.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Zeremi 13:1

La sa ki SENYER ti dir mwan, “Al aste en sang latwal. Atas li otour ou leren, me pa lav li.”

Zeremi 13:12

La parol ki ou ava dir zot: La sa ki SENYER, Bondye Izrael i deklare: Tou bann barik i servi pour ranpli avek diven. Zot pou dir ou: Byen sir nou konnen ki barik i la pour met diven ladan.

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.