Zeremi 12:2 - Labib An Kreol Seselwa

² Ou'n plant zot e zot in pran rasin; zot grandi e zot prodwi bann fri. Zot touzour pe dir dibyen lo ou. Selman, zot leker i lwen avek ou.

Zeremi 12:2 Referans Kwoze

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Let Pol pour bann Tit 1:16

Zot dir ki zot konn Bondye, me zot bann aksyon i prouv tou lekontrer. Zot detestab, dezobeisan e zot pa kapab fer nanryen ki bon.

Matye 15:8

Sa pep, i onor mwan avek labous, Me zot leker i lwen avek mwan.

Zeremi 11:17

Mwan, SENYER liniver ki ti plant Izrael ek Zida, mon deklare ki zot pou ganny detri. Sa i zot prop lafot, akoz zot in fer sa ki mal; zot in fer mon lakoler monte kan zot ti al ofer sakrifis an loner Baal.

Ezekyel 33:31

Alor, mon pep pou rasanble e asiz devan ou. Zot pou ekout ou, me zot pa pou fer sa ki ou dir zot. Zot pou fer sa ki fer zot plezir e sa ki dan zot prop lentere.

Zeremi 45:4

La sa ki ou ava dir li: Mon pe al demoli sa ki mon ti'n konstri; mon pe al derasin sa ki mon ti'n plante partou dan pei.

Mark 7:6

Zezi ti reponn zot, “Bann ipokrit! Ezai ti byen profetize lo zot, parey in ganny ekri: Sa pep i onor mwan avek zot labous, me zot leker i lwen avek mwan.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Liv Zob 5:3

Mon'n war bann fou dan bon sityasyon. Me mon pa ti tarde demann sa malediksyon lo zot lakaz:

Psonm 37:35

Mon'n war move dimoun vin pwisan e devlope parey en pye sed Liban.

Habakouk 1:13

Ou lizye i tro pir pour kontanple lemal. Ou pa kapab get maler, pourtan, ou get bann tret san dir nanryen. Kan bann malfeter i detri bann pli zis ki zot, akoz ou reste trankil?

Liv Zob 24:12

Dimoun dan lavil i plennyen; bann blese pe kriy osekour. Me Bondye pa ekout sa ki zot dir.

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.