Zeremi 12:10 - Labib An Kreol Seselwa

¹⁰ Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 12:10 Referans Kwoze

Zeremi 23:1

La sa ki SENYER i deklare: Maler lo sa bann berze ki detri e ki dispers bann mouton dan mon troupo!

Ezai 63:18

Ou pep sen ti pran posesyon pei pandan en pti pe letan; me la aprezan, nou bann lennmi in kraz ou sanktyer.

Zeremi 6:3

Bann berze pe arive avek zot troupo. Sakenn pou pik son latant toultour li, sakenn i donn manze bann mouton.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Revelasyon 11:2

Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.

Levanzil dapre Lik 21:14

Met byen dan zot lespri ki zot pa bezwen trakase davans pour prepar zot defans.

Zeremi 39:3

Alor, tou bann o zofisye lerwa Babilonn ti antre dan lavil e zot ti vin enstal zot dan Laport Milye. Ti annan Nergal-Sareser, sef larme, Sanmgar-Nebou, Sarsekim sef bann serviter lerwa e tou lezot zofisye lerwa Babilonn.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Ezekyel 34:2

Ou ki en imen, pronons mon parol kont bann berze Izrael. La sa ki Senyer BONDYE i deklare: Maler lo zot, bann berze Izrael, ki pran ka zis avek zot prop lekor! Eski bann berze pa devre pe okip zot bann mouton?

Danyel 8:13

Apre, mon ti antann en lanz koze. En dezyenm lanz ti dir avek sa enn ki ti pe koze, “Ziska kan sa vizyon lo sakrifis tou le zour e lo transgresyon pou kontinyen? Ziska kan sanktyer ek larme lesyel pou ganny kraze anba lipye?”

Zakari 7:14

Mon'n dispers zot parmi bann nasyon ki zot pa ti konnen. Pei ki zot ti'n kit deryer, ti ganny devaste; personn pa ti pas par la. En pei kot ti gou viv, ti'n vin en dezer.

Ezai 3:14

SENYER i pare pour ziz bann ansyen ek bann dirizan son pep: Zot ki'n devaste mon plantasyon rezen, zot lakaz i plen avek keksoz ki zot in vole avek bann pov.

Zeremi 25:37

bann laplenn trankil in ganny devaste.

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Ezekyel 34:5

Alor, zot in ganny disperse e zot in vin viktim zannimo sovaz.