Zeremi 11:7 - Labib An Kreol Seselwa

⁷ Annefe, depi letan mon ti fer zot zanset sorti dan pei Lezip e ziska ozordi, mon pa'n zanmen arete demann zot pou obei mon lavwa.

Zeremi 11:7 Referans Kwoze

2 Kronik 36:15

SENYER, Bondye zot zanset, ti konstaman anvoy son bann mesaze kot zot, akoz i ti pran pitye pour zot e pour son tanp kot i reste.

Efezyen 4:17

Mon sipliy zot lo non Senyer: Aret viv koman sa bann ki pa konn Bondye. Zot mannyer reflesir pa vo nanryen.

1 Samyel 8:9

Alor, ekout zot, me averti zot byen e fer zot konn bann drwa sa lerwa ki pou renny lo zot.”

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

2 Tesalonisyen 3:12

Nou demann bann dimoun parey e ordonn zot lo non Senyer Zezi-Kri: Travay dan kalm pour zot ganny zot nouritir zot menm.

Zeremi 35:15

Mon'n touzour anvoy bann profet, mon bann serviter, pou dir zot: Sakenn parmi zot, abandonn zot move lavi, sanz zot konportman; aret ador lezot bondye. Alor, zot ava reste dan sa pei ki mon'n donn zot ek zot zanset. Me zot pa'n ekoute, ni pran ka.

Zeremi 25:4

SENYER pa'n zanmen arete anvoy zot son bann serviter, bann profet. Me zot pa'n oule ekoute, ni port atansyon.

Zeremi 11:4

Sa i lalyans ki mon ti fer avek zot bann zanset, kan mon ti fer zot sorti Lezip, sa pei ki ti parey en four ki fonn fer. Mon ti dir zot ki si zot obei tou sa ki mon demann zot fer, alor zot ava vin mon pep e mwan, zot Bondye.

Zeremi 7:13

Zot in komet tou sa bann pese, SENYER i deklare, mon touzour koz avek zot. Me zot in refize ekout mwan. Mon touzour pe apel zot, me zot pa reponn mwan.

Deterononm 30:20

Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.

Deterononm 12:32

Ou ava byen met an pratik tou sa ki mon'n ordonn ou. Ou pa pou ni azoute, ni tir nanryen.

Deterononm 8:6

Alor, obzerv bann komannman SENYER, ou Bondye. Mars parey i oule e dan respe anver li.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 4:6

Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!

Zeremi 25:3

Pandan 23 an, depi trezyenm lannen ki Zozyas, garson Amonn ti lerwa Zida ziska ozordi, SENYER in koz avek mwan, e mon'n touzour transmet zot son mesaz. Me zot pa'n oule ekoute.

Zeremi 31:32

I pa pou parey sa enn ki mon ti fer avek zot bann zanset, kan mon ti pran zot par lanmen, pour fer zot sorti Lezip. Zot pa'n respekte sa lalyans, menm si mon ti zot met, SENYER i deklare.

Zeremi 35:14

Bann desandan Yonadab, garson Rekab, in obei lord ki zot papa ti donn zot: Zot pa pou zanmen bwar diven. Mwan, mon pa'n zanmen aret koz avek zot; me zot pa'n ekout mwan.

Zakari 1:4

Pa fer parey zot bann zanset avek ki bann ansyen profet ti anonse: La sa ki SENYER liniver i deklare: Retournen! Kit zot bann move semen ek zot bann move mannyer fer! Me, zot pa ti ekout mwan; zot pa ti pret atansyon, SENYER liniver i deklare.

2 Rwa 17:13

SENYER ti'n averti Izrael ek Zida par lentermedyer tou son bann profet, e tou son bann vizyoner, ler i ti dir zot: Abandonn zot bann move mannyer fer e obzerv bann komannman ek bann regleman ki mon'n donn zot dapre bann lalwa ki mon'n donn zot zanset par lentermedyer mon bann serviter, bann profet.

Zeremi 32:23

Zot ti vin dan sa pei ki zot ti pran posesyon. Me zot pa ti ekout ou lavwa, ni obei ou komannman; zot pa ti viv dapre ou lalwa; zot pa ti fer nanryen sa ki ou ti'n ordonn zot fer. Pour sa rezon ki ou ti fer tou sa bann maler tonm lo zot.

Zeremi 34:14

Tou le 7 an, zot pou liber zot frer Ebre ki zot ti'n aste koman lesklav e ki'n servi zot pandan 6 an. Me ou bann zanset pa ti ekout mwan e zot ti bous zot zorey.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.