Zeremi 10:13 - Labib An Kreol Seselwa

¹³ Kan i fer tande son lavwa, delo i anmase dan lesyel; i fer monte bann gro nyaz depi lorizon; i fer zekler anmenn lapli; i fer divan sorti dan son rezerv.

Zeremi 10:13 Referans Kwoze

Psonm 135:7

I fer nyaz leve lwen lo lorizon; i anvoy zekler ek lapli; i fer divan sorti dan son rezerv.

Liv Zob 38:22

Eski ou'n deza antre kot lannez i ganny met an rezerv? Oubyen, eski ou'n deza war rezervwar lagrel?

Psonm 18:13

Dan lesyel, lavwa SENYER ti rezonnen parey loraz.

Psonm 147:8

I kouver lesyel avek nyaz; i prepar lapli pour later; i fer zerb pouse lo montanny.

Psonm 135:17

zot annan zorey, me zot pa tande. Napa okenn respirasyon dan zot labous.

Psonm 68:33

Atraver lesyel lo son kales, i fer tande son lavwa pwisan.

1 Rwa 18:41

Eli ti dir Akab, “Monte, al manze e bwar, akoz mon antann tapaz lapli.”

Egzod 9:23

Moiz ti lev son baton ver lesyel e SENYER ti anvoy loraz, lagrel ek dife lo later. SENYER ti fer en lapli lagrel tonbe lo Lezip.

Zakari 10:1

Demann SENYER fer lapli tonbe dan sezon prentan. SENYER ki provok loraz, ki donn ou lapli annabondans e i pou fer pouse zerb partou.

Zenez 2:5

ti napa okenn vezetasyon lo later. Okenn plant pa ti ankor pouse e okenn lagrenn pa ti ankor zermen. SENYER Bondye pa ti ankor anvoy lapli lo later e ti napa dimoun pour kiltiv later.

Psonm 104:13

Depi ou demer lao, ou aroz bann montanny; later i kontant li avek sa ki ou donn li.

Zeremi 51:16

Ler i fer tande son lavwa, delo i anmase dan lesyel. I fer monte bann gro nyaz depi lorizon; i fer zekler anmenn lapli; i fer divan sorti dan son bann rezerv.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Zeremi 5:24

Zanmen ou'n mazinen onor mwan, SENYER ou Bondye. Mon'n anvoy lapli dan son sezon toulezan, ler ou plante e ler ou rekolte.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 19:12

Mon promet ki mon pou fer sa lavil ek son bann zabitan vin parey Tofet, SENYER i deklare.