Zeremi 10:11 - Labib An Kreol Seselwa

¹¹ La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Zeremi 10:11 Referans Kwoze

Psonm 96:5

Tou bann bondye lezot pep i zis zidol. Me SENYER in kree lesyel.

Ezai 2:18

Tou bann zidol pou disparet.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Lamantasyon 3:66

Dan ou lakoler pourswiv zot; fer zot disparet anba ou lesyel, SENYER.

Zeremi 51:18

Zot napa okenn valer, zot ridikil. Zour rann kont, zot pou ganny detri.

Zeremi 10:15

Zot napa okenn valer, zot en travay ridikil. Zour zizman, zot pou ganny detri.

Revelasyon 20:2

I ti sezi sa dragon, sa serpan lantikite, setadir dyab oubyen Satan. I ti ansenn li pour 1,000 an.

1 Samyel 5:4

Lannmen ankor, ler zot ti leve granmaten, zot ti war Dagon lafas ater devan Kof SENYER: Latet Dagon ek son de lanmen ti'n kase e fannen devan laport; ti reste li zis lekor.

Ezai 57:12

Mon pou fer konnen zot swadizan lazistis e zot bann aksyon. Me sa pa pou dan zot lentere.

Zeremi 43:12

Naboukodonozor pou met dife avek bann stati ki dan tanp Lezip; i pou bril sa bann stati, e anmenn zot Babilonn. Parey en berze i tir pis dan son lenz, i pou netway Lezip e personn pa pou oze met lanmen lo li.

Zeremi 43:13

I pou osi detri bann moniman an pyer ki Heliopolis, dan pei Lezip; e i pou bril tanp bann bondye Ezipsyen.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Ezekyel 30:13

La sa ki Senyer BONDYE i deklare: Mon pou detri tou zot bann zidol; mon pou fer disparet bann stati dan Menmfis. Dan Lezip, pou nepli annan personn pour gouvernen. Alor, mon pou ranpli li avek lafreyer.