Zeremi 1:7 - Labib An Kreol Seselwa

⁷ Me SENYER ti dir mwan: “Pa dir ki ou tro zenn. Ou pou al partou kot mon pou anvoy ou. Ou pou dir tou sa ki mon pou ordonn ou.

Zeremi 1:7 Referans Kwoze

Nonm 22:20

Dan lannwit, Bondye ti vin kot Balaanm. I ti dir li, “Si sa bann zonm in vin apel ou, leve, al avek zot; me fer zis sa ki mwan, mon dir ou fer.”

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Ezekyel 3:27

Me kan mon koz avek ou, mon pou ouver ou labous e ou ava dir zot: La sa ki Senyer BONDYE i deklare: Sa enn ki oule tande! Tande! Sa enn ki oule refize tande, pa ekoute, akoz zot en pep rebel.

2 Kronik 18:13

Me Mise ti dir, “Devan SENYER ki vivan, mon pou anons sa ki mon Bondye ava dir mwan.”

1 Rwa 22:14

Mise ti reponn, “SENYER i vivan; sa ki SENYER ava dir mwan, mon pou anonse.”

Nonm 22:38

Balaanm ti dir li, “Mon'n vin kot ou. Me pa krwar mon kapab dir nenport kwa. Mon pou repet zis parol ki Bondye ava met dan mon labous.”

Akt de Zapot 20:27

Annefe, mon pa'n negliz nanryen pour anons zot plan Bondye an antye.

1 Rwa 3:7

Annefe, SENYER mon Bondye, ou ki'n etabli mwan koman lerwa dan plas mon papa David. Mon ankor en zanfan; mon pa konn gouvernen.

Zeremi 7:27

Alor, mon demann ou Zeremi, al dir mon pep tousala. Me zot pa pou ekout ou. Ou pou apel zot an mon non, me zot pa pou reponn ou.

Ezekyel 2:7

Ou ava repet parol ki mon dir ou, menm si zot ekoute oubyen pa ekout ou, akoz zot en pep rebel.

Amos 7:15

Me SENYER ti pran mwan deryer mon troupo e i ti dir mwan: Al anons mon parol avek mon pep Izrael.”

Egzod 6:29

i ti dir li, “Mwan menm SENYER. Al dir avek Faraon, lerwa Lezip tou sa ki mon dir ou.”

Zeremi 26:2

La sa ki mwan, SENYER, mon deklare: Al met ou debout dan lakour tanp e anons tou sa ki mon'n demann ou dir sa pep ki sorti depi bann lavil Zida pour vin ador mwan. Pa mank okenn parol dan mon mesaz.

Zeremi 43:1

Ler Zeremi ti'n fini raport tou sa ki SENYER zot Bondye ti'n anvoy li dir sa bann dimoun,

Zonas 3:2

Leve! Al Niniv, sa gran lavil, e proklanm sa mesaz ki mon dir ou.