Zeremi 1:19 - Labib An Kreol Seselwa

¹⁹ Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Zeremi 1:19 Referans Kwoze

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Zeremi 1:8

Pa bezwen per zot! Mon pou avek ou pour protez ou.

Zeremi 20:11

Me SENYER i avek mwan; e i konbat pour mwan avek pwisans. Sa bann ki fer mwan dimal pou tonbe, zot pa pou kapab fer nanryen kont mwan. Zot pou ganny kouver avek laont, akoz zot pa pou kapab reisi kont mwan. Personn pa pou oubliye koman zot ti ganny dezonore pour touzour.

Psonm 129:2

Depi mon lazenes, mon'n ganny souvan persekite. Me zot pa ti kapab ganny laviktwar lo mwan.

Zeremi 11:19

Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Akt de Zapot 26:17

Mon pou delivre ou parmi pep Izrael e parmi bann pep etranze kot mon pou anvoy ou.

Nonm 14:9

Selman, pa revolte kont SENYER e pa per bann zabitan sa pei. Nou pou bat zot en sel kou. SENYER i avek nou, zot nepli annan proteksyon. Alor, pa bezwen per zot.

Zeremi 1:18

Konmansman ozordi, mon pou donn ou lafors pour reziste. Devan bann lerwa dan Zida, bann zofisye, bann pret e devan bann sitwayen sa rwayonm, mon fer ou vin parey en lavil fortifye, en pilye an feray, en miray an bronz.

Zeremi 2:1

SENYER ti ordonn avek mwan

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 42:11

Aprezan, pa bezwen per lerwa Babilonn! Pa bezwen per li, akoz mon avek zot e mon pou sov zot, SENYER i deklare. Mon avek zot, mon pou delivre zot anba son pouvwar.

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Danyel 3:25

I ti dir, “Me, mon war kat zonm ki pa anmare, pe marse dan milye dife. Zot pa ni ganny brile, e sa katriyenm i annan laparans en bondye.”

Zeremi 11:21

Pour sa rezon, la sa ki SENYER i deklare kont bann zabitan Anatot ti oule mon lanmor. Zot ti'n dir: Si ou kontinyen koz koman en profet lo non SENYER, nou pou touy ou.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 39:17

Me ler sa zour maler pou arive, mon pou delivre ou. Mon pa pou les ou tonm dan lanmen sa bann dimoun ki ou per.