Zeremi 1:12 - Labib An Kreol Seselwa

¹² SENYER ti dir mwan, “Ou'n byen war. Annefe, mon fer sir ki mon parol i ganny realize deswit, parey en pye zamann i bourzonn vit.”

Zeremi 1:12 Referans Kwoze

Ezekyel 12:28

Alor, dir zot: La sa ki Senyer BONDYE i deklare: Mon pou realiz tou mon parol san tarde. Senyer BONDYE ki'n deklare.

Ezekyel 12:25

Annefe, mwan SENYER ki pou anons sa ki pou arive. Sa ki mon dir, pou realize san tarde. Me dan ou zenerasyon pep rebel, parol ki mon pou prononse, mon pou realiz li, Senyer BONDYE ki deklare.

Levanzil dapre Lik 10:28

Zezi ti dir li, “Ou'n byen reponn. Fer tousala e ou ava viv.”

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Deterononm 5:28

SENYER ti antann tou bann parol ki zot ti dir. Alor, SENYER ti dir mwan: Mon'n antann tou bann parol ki sa pep in dir ou. Zot in byen koze.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 18:17

Alor, SENYER ti dir mwan: Zot annan rezon koz konmsa.

Levanzil dapre Lik 20:39

Detrwa profeser Lalwa ti pran laparol. Zot ti dir, “Met! Ou'n byen koze.”

Zeremi 31:28

Mon'n fer tou pour derasinen, koupe, demoli, detri e fer dimal sa pep. Me aprezan, mon pou fer tou pour li; konmsa, i pou ganny rekonstri e replante, SENYER i deklare.

Zeremi 1:13

SENYER ti koz avek mwan en dezyenm fwa. I ti demann mwan, “Ki ou war?” Mon ti reponn li, “Mon war en gro marmit ki pe bwi; i pre pour li savir lo kote Nor.”

Ezai 55:11

demenm, parol ki pou sorti dan mon labous pa pour retourn ver mwan san ki i'n fer son lefe, san ki i'n akonpli mon dezir e realiz sa ki mon'n anvoy li fer.

Zeremi 24:3

SENYER ti demann mwan, “Ki ou war, Zeremi?” Mon ti reponn, “Bann fig. Bann ki bon i tre bon. Bann ki'n gate, zot telman gate, ki zot tro pouri pour manze.”