Zenez 7:12 - Labib An Kreol Seselwa

¹² Lapli ti tonm lo later pandan 40 zour ek 40 nwit.

Zenez 7:12 Referans Kwoze

Zenez 7:4

Dan ankor set zour, mon pou fer lapli tonbe lo later pandan 40 zour e 40 nwit; mon pou fer disparet lo later tou bann et vivan ki mon'n fer.”

Matye 4:2

Apre ki i ti'n reste 40 zour ek 40 nwit san manze, Zezi ti lafen.

Zenez 7:17

Deliz ti kontinyen pandan 40 zour lo later. Delo ti monte e lars ti flote.

1 Rwa 19:8

I ti leve, manze e bwar. Sa manze ti donn li lafors pour marse pandan 40 zour e 40 nwit ziska Horeb, montanny Bondye.

Deterononm 10:10

Mon ti reste lo montanny 40 zour, 40 nwit parey premye fwa. Ankor en fwa, SENYER ti ekout mwan. SENYER ti deside pa detri zot.

Deterononm 9:18

Mon ti reste prosternen devan SENYER parey avan, pandan 40 zour ek 40 nwit san manze ni bwar, akoz zot bann pese. Zot ti'n komet sa ki mal devan SENYER e fer li ankoler.

Deterononm 9:9

Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

2 Pyer 3:6

Egalman, lemonn ansyen ti ganny detri par delo, kouver par sa gran deliz.

Zenez 8:2

Bann sours delo souteren ti aret koule e bann lafnet dan lesyel ti fermen, lapli ti arete.