Zenez 3:13 - Labib An Kreol Seselwa

¹³ SENYER Bondye ti dir avek sa fanm, “Akoz ou'n fer sa?” I ti reponn, “Serpan in anbet mwan e mon'n manze.”

Zenez 3:13 Referans Kwoze

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

1 Timote 2:14

Pa Adan ki ti ganny tronpe, me fanm ki ti ganny tronpe e ganny trouve koupab pour dezobei lord Bondye.

Levanzil dapre Zan 18:35

Pilat ti reponn, “Eski, mon en Zwif, mwan? Se dimoun ou prop nasyon ek bann gran-pret ki'n livre ou dan mon lanmen. Ki ou'n fer?”

2 Samyel 3:24

Alor, Zoab ti al kot lerwa. I ti dir li, “Ki ou'n fer? Abner in vin kot ou, akoz ou'n les li ale?

Zenez 44:15

Zozef ti demann zot, “Ki zot in fer la? Eski zot pa konnen ki en zonm koman mwan i konn devinen?”

1 Samyel 13:11

Samyel ti demande, “Ki ou'n fer?” Sail ti reponn, “Mon ti war ki lepep ti pe disperse e pe abandonn mwan; ou pa ti la dan letan fikse; bann Filisten ti'n rasanble Mikmas.

Romen 7:11

Annefe, pese in sezi sa lokazyon, in tronp mwan par servi komannman; i'n donn mwan lanmor.

1 Samyel 15:15

Sail ti dir li, “Nou'n pran zot kot bann Amalesit. Lepep in eparny bann meyer mouton ek bef pour ofer sakrifis SENYER ou Bondye; me leres, nou'n detri konpletman.”

Zenez 12:18

Faraon ti fer apel Abranm. I ti dir li, “Ki ou'n fer mwan? Akoz ou pa ti dir mwan ki Sarai i ou fanm?

Levitik 12:5

Si sa fanm i ganny en fiy, i pou enpir pandan de semenn, parey ler i ganny son reg; letan pirifikasyon son disan ava dire pandan 66 zour.

1 Rwa 13:18

I ti dir li, “Mwan osi mon en profet parey ou; en lanz ki ti dir mwan dapre parol SENYER: Anmenn li se ou pour ki i manz en pe e bwar en pe delo.” Me i ti pe manti avek li.

Zonas 1:10

Bann maren ti pli per ankor kan zot ti aprann ki i ti pe sov SENYER. Zot ti demann li, “Akoz ou'n fer sa?