Zenez 24:7 - Labib An Kreol Seselwa

⁷ SENYER, Bondye lesyel, ki'n pran mwan dan lakaz mon papa e dan pei kot mon ti ne, i'n koz avek mwan. In promet pour donn mwan en desandans dan sa pei. I pou anvoy son lanz pour gid ou, e ou ava swazir en fanm pour mon garson laba.

Zenez 24:7 Referans Kwoze

Ebre 1:14

Bann lanz, ki zot ete? Pa zot bann lespri ki servi Bondye, e ki ganny anvoye pour ed tou bann ki pou ganny sove?

Psonm 34:7

Lanz SENYER i kanp otour sa bann ki annan respe pour SENYER. I delivre zot dan tou danze.

Egzod 33:2

Mon pou anvoy lanz par devan ou e mon pou sas bann Kananeen, bann Amorit, bann Hitit, bann Perizit, bann Hivit ek bann Zebizit.

Zenez 13:15

Mon pou donn ou avek ou desandans pour touzour, sa pei antye ki ou war devan ou.

Psonm 73:24

Ou kondwir mwan par ou bann konsey; apre, ou ava akey mwan dan laglwar.

Psonm 32:8

Mon pou ansenny ou. Mon pou montre ou ki semen ou pou swiv. Mon pou konsey ou; mon lizye pa pou kit ou.

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Revelasyon 11:13

Pandan sa menm moman, ti annan en gran tranblemandter, e en dizyenm parti lavil ti tonbe. 7,000 dimoun ti mor. Bann sirvivan ti ranpli avek lafreyer e zot ti rann glwar Bondye ki dan lesyel.

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

Akt de Zapot 7:5

Bondye pa ti donn li okenn propriyete, pa menm en pti morso later pour met son lipye, me i ti promet pour donn li ek son desandans, sa pei. Kan Bondye ti fer sa promes, Abrahanm ti napa zanfan.

Danyel 2:44

Dan lepok sa bann lerwa, Bondye lesyel pou etabli en rwayonm ki pa pou zanmen ganny detri; sa rwayonm pa pou zanmen pas avek en lot pep. I pou kraz tou sa bann rwayonm e detri tou konpletman; me li, i pou reste pour touzour.

Psonm 103:20

Loue SENYER, zot bann lanz! Zot ki pwisan, fer son lavolonte, e obei tou son parol!

Zozye 1:6

Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Deterononm 34:4

SENYER ti dir li, “Sanmenm sa pei ki mon ti'n promet Abrahanm, Izaak ek Zakob ler mon ti dir zot: Mon pou donn ou desandans sa pei. Mon'n fer ou war sa pei avek ou prop lizye, me ou pa pou antre.”

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Nonm 32:11

Akoz zot pa'n obei mwan, tou sa bann ki'n sorti Lezip, apartir laz 20 an, pa pou antre dan pei ki mon'n promet Abrahanm, Izaak, ek Zakob,

Nonm 14:30

Personn pa pou antre dan sa pei ki mon ti promet pour enstal zot, eksepte Kaleb ek Zozye, garson Noun.

Nonm 14:16

SENYER pa'n kapab anmenn sa pep dan pei ki i ti'n promet zot. Alor in touy zot dan dezer.

Egzod 13:5

Zot ava pratik sa rityel pandan menm mwan, kan SENYER ti fer zot antre dan pei bann Kananeen, Hitit, Amorit, Hivit ek Zebizit; dan sa pei ki i ti promet avek zot zanset pour li donn zot, en pei kot dile ek dimyel i koule.

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zonas 1:9

I ti dir zot, “Mon en Ebre e mon ador SENYER, Bondye lesyel ki'n kree lanmer ek later.”

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Esdras 1:2

La sa ki Siris, lerwa Lapers i proklanmen: SENYER, Bondye lesyel, in donn mwan lotorite lo tou bann rwayonm lo later. In ordonn mwan konstri en tanp pour li Zerizalenm, dan pei Zida.

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.

Zenez 16:7

Lanz SENYER ti trouv li obor en sours delo dan dezer lo semen Sour.

Zenez 21:17

Bondye ti antann sa garson plere e depi lesyel, lanz Bondye ti apel Agar. I ti dir li, “Ki ou gannyen Agar? Pa bezwen per, Bondye in antann lavwa sa garson kot i ete.

Zenez 22:11

Alor, lanz SENYER dan lesyel ti apel Abrahanm. I ti dir li, “Abrahanm, Abrahanm!” Abrahanm ti reponn, “Wi! La mon la.”

Zenez 24:3

Fer serman lo non mon SENYER, Bondye lesyel ek later, ki ou pa pou fer mon garson marye avek enn bann fiy Kananeen kot mon pe reste.

Zenez 24:40

I ti dir mwan, “SENYER, devan ki mon marse, pou anvoy son lanz avek ou e fer ou reisi dan ou vwayaz. Ou ava swazir en fanm pour mon garson parmi mon fanmir, e fanmir mon papa.

Nonm 11:12

Eski mwan ki'n met omonn sa pep? Eski mwan ki'n donn zot nesans pour ou dir mwan pran li dan lebra, parey en nouris i pran en pti baba ki pe tete e anmenn zot ziska dan pei ki ou'n promet zot zanset par en serman?

Zozye 24:3

Mon ti pran zot papa Abrahanm depi lot kote larivyer; mon ti kondwir li atraver pei Kanaan antye; mon ti ogmant son desandans e mon ti donn li Izaak.

Psonm 136:26

Loue Bondye ki dan lesyel, akoz son fidelite i dire pour touzour.