Zenez 23:4 - Labib An Kreol Seselwa

⁴ I ti dir zot, “Mon pe viv isi parmi zot koman en etranze. Vann mwan en propriyete koman en landrwa pour anter mon fanm.”

Zenez 23:4 Referans Kwoze

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

1 Kronik 29:15

Parey nou bann zanset, nou en bann etranze e bann pasaze devan ou. Nou lavi lo later i parey en lonbraz e napa okenn lespwar.

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Psonm 119:19

Mon zis en pasaze lo later; pa kasyet mwan ou bann komannman.

Akt de Zapot 7:5

Bondye pa ti donn li okenn propriyete, pa menm en pti morso later pour met son lipye, me i ti promet pour donn li ek son desandans, sa pei. Kan Bondye ti fer sa promes, Abrahanm ti napa zanfan.

Psonm 39:12

SENYER! Ekout mon lapriyer. Mon kriy ou. Ekout mwan! Pa reste endiferan devan mon larm. Mon en pasan kot ou; en etranze parey tou mon bann zanset.

Levitik 25:23

Later pa pou ganny vann dan en fason definitif; pei i pour mwan. Zot se mwan koman bann etranze e bann viziter.

Zenez 49:30

dan kavo laplenn Makpela, pre avek Manmre, dan pei Kanaan, ki Abrahanm ti aste avek Efronn, en Hitit, koman landrwa pour anter bann mor.

1 Pyer 2:11

Mon bann zanmi! Mon demann zot ki bann etranze e bann vwayazer: Gard zot kont bann dezir natir imen ki fer lager kont zot menm.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Eklezyas 12:5

En pti monte i fer per, ou per marse lo semen; seve in vin blan parey en pye dibwa an fler; ou pou bezwen trennen parey en sotrel ki'n tonbe; tou gou lavi in disparet. Tou et imen i al ver son demer final. Deza laprosesyon lanterman pe defile lo semen.

Eklezyas 6:3

Si en zonm i ganny bokou zanfan e i viv en kantite lannen, menm si i viv lontan, me i pa profit boner lavi e ni menm annan en latonm ler i mor, mon dir ki en pti baba ki mor an nesan i pli ere ki li.

Liv Zob 30:23

Mon konnen ou pe anmenn mwan ver lanmor, kot tou vivan i annan randevou.

Zenez 50:13

Zot ti anmenn li dan pei Kanaan e anter li dan kavern Makpela, pre avek Manmre ki Abrahanm ti'n aste avek Efronn, en Hitit, koman en landrwa pour anter son bann mor.

Zenez 47:9

Zakob ti reponn, “I annan 130 an depi ki mon lo later. Mon bann lannen in kourt e difisil; pa otan ki pour mon bann zanset pandan zot bann long lavi nomad.”

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Akt de Zapot 7:16

Zot lekor ti ganny transporte Sikenm e ganny antere dan en latonm ki Abrahanm ti'n aste pour en sonm larzan avek bann garson Hamor.

Zenez 23:5

Bann Hitit ti reponn Abrahanm,

Egzod 2:22

I ti donn nesans en garson ki i ti apel Gersonn, savedir etranze. I ti dir: Mon en refizye dan en pei etranze.