Zenez 22:7 - Labib An Kreol Seselwa

⁷ Izaak ti dir son papa, Abrahanm, “Papa!” Abrahanm ti reponn, “Wi, mon garson.” Izaak ti demann li, “Nou annan dibwa ek dife; me oli zenn mouton pour sakrifis?”

Zenez 22:7 Referans Kwoze

Romen 8:15

Annefe, zot pa'n resevwar en Lespri ki rann zot lesklav, ki ranpli zot ankor avek lafreyer. Me zot in resevwar en Lespri ki fer zot vin zanfan Bondye e ki permet nou kriye: Aba! Mon Papa!

Levanzil dapre Zan 18:11

Zezi ti dir avek Pyer, “Remet ou lepe dan son fouro. Ou krwar mon pa pou bwar lakoup ki Papa in donn mwan?”

Matye 26:42

Zezi ti al ankor en fwa pour priye. I ti dir: Mon Papa! Si i posib, elwanny sa lakoup devan mwan san ki mon bezwen bwar li. Me ki ou lavolonte ki ganny akonpli.

Matye 26:39

I ti al en pti pe pli lwen. I ti tonm lafas ater e priye: Mon Papa! Si posib, fer sa lakoup pas lwen avek mwan. Sepandan, pa fer dapre mon lavolonte, me dapre ou lavolonte.

Egzod 12:3

Dir avek pep Izrael antye: Dizyenm zour sa mwan, zot devre pran en zenn mouton oubyen en kabri par fanmir, en zannimo pour sak lakaz.

Zenez 8:20

Noe ti fer en lotel pour SENYER. I ti pran enn parmi bann zannimo pir ek en zwazo pir e i ti ofer koman en sakrifis konplet lo sa lotel.

Levanzil dapre Zan 1:29

Lannmen, Zan ti war Zezi pe vin kot li. I ti dir, “La Zenn Mouton Bondye ki efas pese lemonn.

Levanzil dapre Zan 1:36

I ti fikse Zezi ki ti pe pase. I ti dir, “La Zenn Mouton Bondye.”

Revelasyon 13:8

Tou zabitan later, tou bann ki zot non pa'n ganny ekri depi konmansman lemonn, dan liv lavi Zenn Mouton ki'n ganny egorze, pou prostern devan li.

Zenez 22:8

Abrahanm ti dir, “Mon garson, Bondye li menm pou donn en zenn mouton pour sakrifis.” Zot ti kontiny zot semen ansanm.

Egzod 29:38

La sa ki ou ava ofer lo lotel: Tou le zour, regilyerman, de zenn mouton enn an.