Zenez 21:7 - Labib An Kreol Seselwa

⁷ I ti azoute, “Lekel ki ti pou dir Abrahanm ki en zour Sara ti pou donn tete en zanfan? Pourtan i vre, mon'n donn li en garson dan son vyeyes.”

Zenez 21:7 Referans Kwoze

Ezai 66:8

Lekel ki'n deza antann en keksoz parey? Lekel ki'n deza war keksoz parey? En pei i kapab ne dan en zour? En nasyon i kapab ganny kree en sel kou? Pourtan, de ki Siyon ti dan douler lakousman, i ti donn nesans son bann zanfan.

2 Tesalonisyen 1:10

Sa zour, i pou vini pour li ganny onore e admire par tou bann ki pour li e ki krwar dan li. Zot osi, zot ava la, akoz zot in krwar dan mesaz ki nou'n anons zot.

Efezyen 3:10

Konmsa, gras a Legliz, bann lanz, bann lotorite ek pwisans dan lesyel ava kapab konn lasazes Bondye dan son diferan form.

Nonm 23:23

Okenn sor pa pran lo Zakob. Ni okenn pouvwar mazik pa pou servi lo Izrael. Letan pou arive, kan dimoun pou dir lo Zakob ek Izrael: Get travay ki Bondye in fer.

Psonm 86:10

Ou vreman gran e ou fer bann mervey. Zis ou ki Bondye.

Psonm 86:8

Napa okenn bondye ki parey ou, SENYER; napa nanryen parey bann mervey ki ou'n fer.

Ezai 49:21

Alor, dan ou leker ou pou dir: Lekel ki'n donn mwan tou sa bann zanfan? Mon pa ti annan okenn zanfan e mon ti steril. Mon ti annegzil e mon ti ganny delese. Alor, lekel ki'n donn mwan tou sa bann zanfan? Mon ti'n ganny abandonnen. Alor, kote sa bann zanfan i sorti?

Zenez 17:17

Abrahanm ti tonm lafas ater. I ti riye, e dir dan son leker: Eski en zonm 100 an i kapab fer zanfan? E Sara ki annan 90 an, eski i pou kapab ganny zanfan?

Zenez 18:13

Alor, SENYER ti dir Abrahanm, “Akoz Sara in riye, e akoz i'n dir: Eski mon pou vreman ganny zanfan, la ki mon'n vye?

Zenez 21:8

Sa zanfan ti grandi e zour i ti ganny sevre, Abrahanm ti fer en gran lafet.

Zeremi 20:15

Modi sa zonm ki ti al anons mon papa: Ou'n ganny en garson!

1 Rwa 3:21

Bomaten, kan mon ti leve pour okip mon piti, mon ti war ki i'n mor. Letan mon ti get li byen dan lalimyer, mon ti war ki i pa ti mon piti ki mon ti'n met omonn.”

1 Rwa 11:20

Ser Tapenes ti ganny en garson pour li ki i ti apel Genoubat ki Tapenes ti sonny dan lakaz Faraon. Genoubat ti reste dan lakaz Faraon parmi son bann garson.