Zenez 19:9 - Labib An Kreol Seselwa

⁹ Me zot ti dir, “Sorti la!” Zot ti azoute, “Ou, en etranze e ou oule dir nou ki nou pou fer! Nou kapab fer ou plis dimal ki sa de zonm.” Zot ti bouskil Lot byen for, e avans devan pour defons laport.

Zenez 19:9 Referans Kwoze

Egzod 2:14

Sa zonm ti reponn, “Lekel ki'n apwent ou sef e ziz lo nou? Eski ou annan lentansyon touy mwan parey ou ti touy sa Ezipsyen?” Moiz ti per; i ti dir dan li menm: Dimoun in konnen sa ki mon'n fer.

Zenez 13:12

Abranm ti reste dan pei Kanaan, tandis ki Lot ti al reste dan bann lavil dan laplenn. I ti mont son bann latant pre avek Sodonm.

Matye 7:6

Pa donn avek lisyen sa ki pour Bondye. Zot kapab retourn kont ou e desir ou. Pa zet ou bann perl devan bann koson. Zot kapab pil lo la.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Zeremi 6:15

Zot devre onte pour zot bann aksyon degoutan ki'n ofans mwan. Me zot napa pider. Zot pa'n ni oule rekonnet zot tor. Pour sa rezon, zot pou tonm parey tou lezot. Zot pou tonbe kan mon pou demann zot rann kont. SENYER i deklare.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Ezai 65:5

Zot dir: Pa apros mwan, pa vin pre avek mwan, akoz mon tro sen pour zot. Tousala i fer lafimen sorti dan mon nennen, en dife ki brile tou lazournen.

Eklezyas 10:13

I konmans par bann sotiz e fini par bann parol fou ranpli avek mesanste.

Eklezyas 9:3

La kot i mal dan tou sa ki pase anba soley: En menm sor pour tou dimoun san okenn eksepsyon. Leker imen i plen avek mesanste, lafoli i ranpli zot leker depi zot lazenes ziska zot lanmor.

Proverb 27:3

Ros i lour, disab i pez en kantite; me lakoler en fou i pli lour ki tou le de ansanm.

Proverb 17:12

Vomye rankontre en lours ki'n perdi son bann piti, ki afront en zonm fou dan son lafoli.

Proverb 14:16

En saz i per maler e i pas akote; sa enn ki bet i azir tro vit akoz i fer tro konfyans.

1 Samyel 25:17

Aprezan, gete ou menm, ki fodre fer. Akoz en gro maler pou tonm lo nou met. Sa zonm i san moral e pa kapab koz avek li.”

1 Samyel 17:44

Finalman, i ti dir David, “Vini, e mon ava donn ou laser bann zwazo dan lezer ek bann zannimo sovaz.”

Zenez 11:6

SENYER ti dir: Alor, zot in form en sel pep e zot annan en sel langaz! Sa i zis konmansman sa ki zot pou fer; pou napa okenn proze ki pou enposib pour zot.

1 Samyel 2:16

Si sa zonm ti dir, “Les lagres brile avan, apre ou ava pran sa ki ou oule.” Sa serviter ti reponn, “Non, mon oule la, deswit, sinon mon pran pardfors.”

Ezekyel 16:49

La fot ou ser, Sodonm ek son bann fiy: Zot ti annan lafyerte, zot ti kontan manz bokou, zot pa ti pran okenn traka, zot pa ti fer nanryen pour ed bann pov, ni bann malere.