Zenez 18:1 - Labib An Kreol Seselwa

¹ SENYER ti aparet avek Abrahanm parmi bann gran pye dibwa sakre Manmre. Abrahanm ti pe asiz devan son latant, dan lasaler lazournen.

Zenez 18:1 Referans Kwoze

Zenez 14:13

En zonm ki ti'n reisi sove ti al anons Abranm, sa Ebre, ki ti pe reste pre avek bann gran pye dibwa sakre Manmre, sa Amorit, frer Eskol ek Aner, ki ti bann alye Abranm.

Zenez 13:18

Abranm ti deplas son bann latant e al etabli li obor bann gran pye dibwa sakre Manmre pre Hebron. La i ti konstri en lotel pour SENYER la.

Zenez 48:3

Zakob ti dir Zozef, “Bondye Toupwisan in aparet avek mwan Louz, dan pei Kanaan e in beni mwan.

Zenez 26:2

SENYER ti aparet avek Izaak. I ti dir li, “Pa al Lezip. Reste dan sa pei ki mon pou montre ou.

Akt de Zapot 7:2

Etyenn ti reponn: Mon bann frer e mon bann papa! Ekout mwan. Bondye dan son mazeste ti aparet avek nou zanset Abrahanm, kan i ti pe reste dan Mezopotami, avan ki i ti al reste Harann.

2 Kronik 1:7

Sa swar, Bondye ti aparet avek Salomon. I ti dir li, “Demann sa ki ou anvi, mon ava donn ou.”

Zenez 17:22

Kan Bondye ti'n fini koz avek Abrahanm, i ti kit li.

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Egzod 4:1

Moiz ti reponn, “Bann Izraelit pa pou krwar mwan, zot pa pou ekout mwan. Zot pou dir: SENYER pa'n aparet avek ou.”

Ebre 11:9

Par lafwa, i ti viv koman en etranze dan sa pei ki i ti'n ganny promet. I ti reste anba latant avek Izaak ek Zakob, bann zeritye menm promes.

Ebre 13:2

Pa oubliye pratik lospitalite. Annefe, serten san konnen, in resevwar lanz se zot.

Zenez 18:22

Sa bann zonm ti al dan direksyon Sodonm; me Abrahanm ti reste debout devan SENYER.

Zenez 20:1

Abrahanm ti kit sa landrwa e i ti al dan direksyon dezer Negev. I ti etabli li ant Kades ek Sour. Apre en pe letan, i ti al reste Gerar.

Zenez 35:27

Zakob ti vin kot son papa, Izaak, Manmre, pre Kiryat-Arba, setadir Hebron, kot Abrahanm ek Izaak ti'n reste.

Zozye 5:13

En zour, pandan ki Zozye ti Zeriko, i ti lev lizye e i ti war en zonm debout devan li, son lepe dan son lanmen. Zozye ti mars dan son direksyon. I ti dir li, “Eski ou pour nou, oubyen pour nou lennmi?”