Zenez 17:5 - Labib An Kreol Seselwa

⁵ Ou pou nepli apel Abranm me Abrahanm, akoz mon'n fer ou vin papa en kantite nasyon.

Zenez 17:5 Referans Kwoze

Nehemi 9:7

Ou menm SENYER, Bondye, ki ti swazir Abranm, ki ti fer li sorti Our, dan pei bann Kaldeen. I ti donn li non Abrahanm.

Zenez 17:15

Bondye ti dir ankor avek Abrahanm, “Kanta ou fanm Sarai, son non pou nepli Sarai, me i pou apel Sara.

Zenez 32:28

I ti dir li, “Ou pou nepli apel Zakob, me Izrael, akoz ou'n lite kont Bondye e kont zonm, e ou'n ganny laviktwar.”

Revelasyon 2:17

Sa enn ki annan zorey! Ekout sa ki Lespri i dir avek bann Legliz. Sa bann ki ranport laviktwar, mon pou donn zot lamann ki'n ganny kasyet. E mon pou donn sakenn zot en pti ros blan. Lo sa ros, in ganny ekri en nouvo non ki personn pa konnen, eksepte sa enn ki resevwar sa non.

Romen 4:17

Parey i'n ekri dan Lekritir: Mon'n fer ou vin papa en kantite nasyon. Abrahanm i nou papa devan Bondye, dan ki i'n krwar. Dan sa Bondye ki rann lavi sa bann ki'n mor e ki donn legzistans sa ki pa ti egziste.

Zeremi 20:3

Lannmen bomaten, Pasour ti fer larg Zeremi ki ti dir li: SENYER pou nepli apel ou Pasour, me Magor-Misabib, savedir Laper ki partou.

Levanzil dapre Zan 1:42

I ti anmenn Simon kot Zezi. Zezi ti get li. I ti dir: Ou non i Simon, garson Zan, me ou pou apel Sefas, savedir Pyer, en ros.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

2 Samyel 12:25

Par lentermedyer profet Natan, i ti apel sa zanfan Yedidya, akoz SENYER i kontan li.

Nonm 13:16

Sa i non tou bann zonm ki Moiz ti anvoy eksplor pei Kanaan. Moiz ti donn Oze, garson Noun, non Zozye.

Zenez 35:10

Bondye ti dir li, “Ou non i Zakob. Ou pou nepli apel Zakob, me Izrael.” Alor i ti apel li Izrael.

Zenez 32:29

Zakob ti demann li, “Dir mwan ou non.” I ti dir, “Akoz ou demann mwan mon non?” Alor, i ti beni Zakob.

1 Kronik 1:27

Abranm, setadir Abrahanm.