Zenez 17:2 - Labib An Kreol Seselwa

² Mon pou etabli en lalyans ant mwan ek ou, e mon pou ogmant ou desandans.”

Zenez 17:2 Referans Kwoze

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

Zenez 9:9

“Mon etabli mon lalyans avek zot e avek zot desandans;

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

Zenez 15:5

SENYER ti anmenn li deor e dir li, “Lev ou lizye anler, get lesyel, e kont bann zetwal si ou kapab; la ki mannyer ou desandans pou ete.”

Zenez 28:3

Bondye Toupwisan ava beni ou e donn ou bokou zanfan, pour ki ou ava vin en gran pep.

2 Rwa 13:23

SENYER ti pran pitye pour zot e i ti pardonn zot, akoz son lalyans ki i ti'n fer avek Abrahanm, Izaak, ek Zakob. I pa ti oule detri zot; ziska aprezan, i pa'n rezet zot lwen avek li.

1 Kronik 16:16

Son lalyans ki i ti fer avek Abrahanm, son serman ki i ti fer avek Izaak.

Psonm 25:14

SENYER i konfye son bann sekre avek sa enn ki obei li. I ava fer li konn son lalyans.