Zenez 15:1 - Labib An Kreol Seselwa

¹ Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Zenez 15:1 Referans Kwoze

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Psonm 119:114

Ou menm mon protekter e mon boukliye. Mon met mon konfyans dan ou parol.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Zenez 26:24

SENYER ti aparet avek li sa swar. I ti dir li, “Mwan menm Bondye ou papa, Abrahanm. Pa bezwen per, akoz mon avek ou. Mon pou beni ou e ogmant ou desandans, akoz mon serviter Abrahanm.”

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Lamantasyon 3:24

Mon dir: SENYER i mon sel trezor. Alor, mon met tou mon lespwar dan li.

Levanzil dapre Lik 12:32

“Pa bezwen per, pti troupo! Zot Papa in pran plezir donn zot son Rwayonm.

Psonm 5:12

SENYER! Ou beni sa enn ki zis. Ou lanmour i protez li parey en boukliye.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”

Levanzil dapre Lik 1:13

Me lanz ti dir li, “Pa per Zakari, Bondye in egzos ou lapriyer. Ou fanm, Elizabet, pou ganny en garson, e ou ava apel li Zan.

Ezai 43:5

Pa bezwen per, akoz mon avek ou! Mon pou fer ou desandans retournen sorti dan Les. Mon pou rasanble lezot ki dan Was.

Psonm 142:5

SENYER! Mon kriy ver ou. Mon dir: Ou menm mon labri, ou menm mon posesyon lo sa later.

Psonm 3:3

Me ou, SENYER, ou en boukliye protekter pour mwan; ou mon loner e ou fer mwan fyer.

Zenez 21:17

Bondye ti antann sa garson plere e depi lesyel, lanz Bondye ti apel Agar. I ti dir li, “Ki ou gannyen Agar? Pa bezwen per, Bondye in antann lavwa sa garson kot i ete.

Levanzil dapre Lik 1:30

Lanz ti dir li, “Pa per Mari! Bondye in montre ou son lanmour dan en fason spesyal.

Psonm 58:11

Dimoun ava dir: Vreman! I annan en rekonpans pour bann dimoun ki zis. Vreman! I annan en Bondye ki ziz later!

Matye 8:26

Zezi ti dir zot, “Akoz zot per? Zot napa lafwa!” Apre, i ti leve, e i ti reprimann divan ek delo lak, e movetan ti kalmi.

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Proverb 11:18

En malfeter i travay pour nanryen; me sa enn ki senm lazistis i ganny en vre rekonpans.

Psonm 91:4

I ava kouver ou anba son lezel; ou ava ganny labri anba son bann plim. Son fidelite ava en boukliye e en zarm protekter pour ou.

Deterononm 31:6

Reste for e pran kouraz! Pa bezwen ni per ni tranble devan zot, akoz SENYER, ou Bondye pe mars avek ou; i pa pou deles ou ni abandonn ou.

Ezekyel 3:4

I ti dir mwan, “Ou ki en imen, al kot pep Izrael e repet parol ki mon pou dir ou.

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 35:4

Al dir sa bann ki leker i ranpli avek lafreyer: Reste for! Pa bezwen per! La ou Bondye! I pe vin vanz pour ou, pour rann ou bann lennmi tou dimal ki zot in fer ou. I pou vin sov ou.

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Revelasyon 1:17

Kan mon ti war li, mon ti tonm dan son lipye koman en dimoun mor. I ti poz son lanmen drwat lo mwan. I ti dir: Pa per! Mwan menm Alfa e Omega; Premye e Dernyen;

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

1 Korentyen 3:22

Pol, Apolos, Pyer, lemonn, lavi, lanmor, ozordi, demen, tou i pour zot.

Akt de Zapot 10:22

Zot ti reponn, “Nou'n vin isi anvoye par Korney, en kaptenn dan larme Romen, en zonm zis, ki annan respe pour Bondye. Tou bann Zwif i annan bokou lestim pour li. En lanz Bondye in ordonn li pour anvoy sers ou pour li ekout sa ki ou annan pour dir.”

Proverb 30:5

Tou bann Parol Bondye in ganny teste. I en boukliye pour sa enn ki pran refiz kot li.

Psonm 84:9

Mon Bondye! Ou ki nou boukliye. Zet ou regar lo sa enn ki ou'n konsakre.

1 Samyel 9:9

Lontan dan pei Izrael, ler en dimoun ti oule konsilte Bondye, i ti dir: Annou al kot vwayan, sa ki nou apel profet ozordi.

Ezekyel 11:24

Lespri ti soulev mwan e anmenn mwan dan vizyon par lespri Bondye, ziska kot bann egzile dan Babilonn. Alor, vizyon ki mon ti'n war ti disparet.

1 Kronik 28:20

David ti dir ankor avek son garson Salomon, “Reste for, pran kouraz e azir. Pa bezwen ni per, ni dekouraze, akoz SENYER Bondye, mon Bondye i avek ou. I pa pou les ou tonbe, i pa pou abandonn ou, tan ki bann travay pour servis dan Tanp SENYER pa ankor fini.

Ezekyel 1:1

Dan senkyenm zour, katriyenm mwan, trantyenm lannen, mon ti parmi bann egzile lo bor larivyer Kebar. Mon ti war lesyel ouver e mon ti war bann vizyon sorti kot Bondye.

Matye 28:5

Sa lanz ti dir avek sa de fanm, “Pa per! Mon konnen ki zot pe rod Zezi ki'n ganny krisifye.

Ezai 44:8

Pa per, pa tranble. Pa mon'n fer ou konnen e anons depi byen lontan? Zot mon temwen! Eski i annan en lot Bondye apard mwan? Mwan, ki zot ros; mon pa konn en lot.

Nonm 12:6

I ti dir zot: Ekout byen mon parol! Ler i annan en profet parmi zot, mwan SENYER, mon revel mwan avek li dan en vizyon; mon koz avek li dan en rev.

Zenez 15:2

Abranm ti reponn, “Senyer BONDYE, ki ou pou donn mwan? Mon napa zanfan e mon zeritye se Eliezer ki sorti Damas.

Zenez 15:4

SENYER ti dir li, “Pa sa zonm ki pou vin ou zeritye, me sa enn ki pou sorti avek ou. Se ou prop garson ki pou vin ou zeritye.”

Zenez 31:7

Me zot papa in esey tronp mwan e in sanz mon lapey dis fwa, me Bondye pa'n permet li fer mwan dimal.

Nonm 18:20

SENYER ti dir Aaron: Ou pou napa par, ni patrimwann parmi pep Izrael. Mwan ki ou par e ou patrimwann parmi pep Izrael.

Nonm 24:4

Parol sa enn ki antann Parol Bondye e war vizyon Bondye Toupwisan.

1 Samyel 15:10

SENYER ti adres laparol avek Samyel,

2 Samyel 22:3

I mon Bondye, mon ros protekter, kot mon an sekirite; mon boukliye, mon korn ki delivre mwan mon sitadel, mon refiz. Ou mon Sover ki protez mwan kont vyolans.

Zenez 22:1

Apre, Bondye ti teste Abrahanm. I ti dir li, “Abrahanm!” Abrahanm ti reponn, “Wi, la mon la.”

Zenez 22:20

Plitar, Abrahanm ti ganny dir: Ou frer Nahor i'n ganny sa bann zanfan avek Milka:

Deterononm 18:2

Zot pa pou ganny okenn par avek lezot manm zot kominote. SENYER ki zot patrimwann, parey i'n dir zot.

2 Rwa 1:15

Mesaze SENYER ti dir Eli, “Desann avek li; pa per li.” Eli ti desann avek li kot lerwa.

Psonm 3:4

Mon kriy for ver SENYER; depi son montanny sen i reponn mwan.

Psonm 115:10

Bann pret, desandan Aaron! Met zot konfyans dan SENYER. I zot lafors e zot soutyen.

Ezai 40:10

La Senyer BONDYE pe vini avek pwisans. Son lebra i donn li tou dominasyon. I anmenn saler son travay e son rekonpans i devan li.

Zeremi 39:17

Me ler sa zour maler pou arive, mon pou delivre ou. Mon pa pou les ou tonm dan lanmen sa bann dimoun ki ou per.