Zenez 13:9 - Labib An Kreol Seselwa

⁹ La pei antye i devan ou. Annou separe. Si ou al agos, mon ava al adrwat, e si ou al adrwat, mon ava al agos.”

Zenez 13:9 Referans Kwoze

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Zenez 34:10

Ou kapab reste avek nou, pei i ouver osi pour ou. Reste e fer komers avek nou e ou ava kapab aste propriyete.”

Zenez 20:15

I ti dir li, “Mon pei i la devan ou. Enstal ou kot i fer ou plezir.”

1 Korentyen 6:7

An tou ka, i deza en defet pour zot, pour akiz kanmarad devan lakour. Akoz zot pa plito siport en lenzistis? Akoz zot pa plito les zot ganny vole?

Romen 12:18

Si i posib, fer tou sa ki depann lo zot, pour zot viv anpe avek tou dimoun.

Psonm 120:7

Mwan, mon pour lape. Me zot, zot swazir lager.

Zenez 13:8

Alor, Abranm ti dir Lot, “Fodre pa ki i annan dispit ant ou ek mwan, ant ou bann berze ek mon bann berze, akoz nou fanmir.

Zenez 13:10

Lot ti lev lizye, e i ti war vale Zourden kot ti annan bokou delo. Avan ki SENYER ti detri Sodonm ek Gomor sa landrwa ziska ver Soar, ti parey zarden SENYER, parey Lezip.

Zeremi 40:4

Ozordi menm, mon pou detas lasenn ki dan ou pwannyen. Ou kapab vin Babilonn avek mwan si oule e mon ava vey lo ou. Me pa santi ou oblize pour ou vin avek mwan Babilonn. Ou lib pour ou al partou kot oule dan pei.