Zenez 12:4 - Labib An Kreol Seselwa

⁴ Abranm ki ti annan 75 an, ti aksepte kit Harann parey SENYER ti'n ordonn li.

Zenez 12:4 Referans Kwoze

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Zenez 11:31

Tera ti pran son garson Abranm, son pti zanfan Lot, garson Harann, son belfiy Sarai, fanm Abranm. Ansanm, zot ti kit Our, dan pei bann Kaldeen, pour al Kanaan. Zot ti ariv ziska Harann kot zot ti etabli zot.

Zenez 11:27

La lalis bann desandan Tera: Tera ti papa Abranm, Nahor ek Harann. Harann ti papa Lot.

Akt de Zapot 7:4

Alor, Abrahanm ti kit pei bann Kaldeen e i ti al reste Harann. Apre lanmor son papa, Bondye ti fer li sorti Harann pour vin reste la kot zot pe reste ozordi.

Ebre 6:15

Ensi, apre ki i ti'n esper avek pasyans, Abrahanm ti resevwar sa ki Bondye ti'n promet li.

Zenez 16:3

Apre ki Abranm ti'n reste dan later Kanaan pour 10 an, Sarai, fanm Abranm, ti pran Agar, son servant Ezipsyen e donn Abranm, son mari, pour fer li vin son fanm.

Zenez 16:16

Abranm ti annan 86 an kan Agar ti donn nesans Ismael pour li.

Zenez 25:7

Abrahanm ti viv ziska laz 175 an.

Zenez 28:10

Zakob ti kit Berseba e al Harann.

Zenez 13:5

Lot ki ti pe akonpanny Abranm, ti osi annan troupo mouton, kabri, bef ek son bann latant.