Zenez 12:2 - Labib An Kreol Seselwa

² Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 12:2 Referans Kwoze

2 Samyel 7:9

Mon'n avek ou partou kot ou'n ale; mon'n fer disparet tou ou bann lennmi devan ou. Aprezan, mon pou fer ou non vin renonmen parey bann gran dimoun lo later.

Galat 3:14

Konmsa ki benediksyon ki ti'n ganny promet avek Abrahanm, in osi ganny donn avek bann non-Zwif, gras a Zezi-Kri. Alor, par lafwa, nou resevwar Lespri ki Bondye in promet.

Zenez 18:18

la ki i pou vin zanset en gran pep pwisan, e tou nasyon lo later ava ganny beni atraver li?

Zenez 35:11

Bondye ti dir li: Mwan menm Bondye Toupwisan. Ou pou ganny bokou zanfan; ou desandans pou ogmante. Ou pou vin papa en nasyon e en group nasyon. Pou osi annan lerwa parmi ou desandans.

Zenez 46:3

Bondye ti dir li, “Mwan menm Bondye, Bondye ou papa. Pa per pour desann Lezip, akoz mon pou fer ou vin en gran nasyon laba.

Zenez 26:4

Mon pou ogmant ou desandans e fer zot vin parey zetwal dan lesyel. Mon pou donn ou desandans tou sa bann pei, e par ou desandans, tou bann nasyon lo later pou ganny beni.

Zenez 24:35

SENYER in donn mon met bokou benediksyon e i'n vin en dimoun enportan. SENYER in donn li bokou troupo zannimo, larzan, lor, serviter, servant, samo, ek bourik.

Galat 3:7

Zot devre alor konpran ki dimoun ki viv dapre lafwa, ki bann vre zanfan Abrahanm.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Zenez 13:16

Mon pou fer ou desandans vin sitan nonbre, parey lapousyer later ki personn pa kapab konte.

Zenez 15:5

SENYER ti anmenn li deor e dir li, “Lev ou lizye anler, get lesyel, e kont bann zetwal si ou kapab; la ki mannyer ou desandans pou ete.”

Deterononm 26:5

La sa ki ou ava deklare devan SENYER, ou Bondye: Mon zanset ti en nomad Arameen. I ti desann Lezip kot i ti reste koman en etranze. Ti napa bokou zot. Me la, in vin en gran nasyon, pwisan e nonbre.

Egzod 32:10

Aprezan, les mwan entervenir; mon pou pran lakoler kont zot e mon pou ekstermin zot. Me ou, mon pou fer ou vin en gran nasyon.”

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Zenez 27:29

Bann pep ava servi ou, e bann nasyon ava prostern devan ou. Ou ava domin lo ou bann frer, e bann garson ou manman ava azenou devan ou. Sa enn ki modi ou, pou ganny modi; sa enn ki beni ou, pou ganny beni!

Zenez 19:29

Letan Bondye ti detri bann lavil dan sa rezyon, i ti mazin Abrahanm. I ti sov Lot dan maler destriksyon sa bann lavil kot i ti reste.

Romen 4:11

I ti ganny sirkonsi plitar koman en siny. Sa ti en mark ki montre ki akoz son lafwa, Bondye ti konsider li koman en zis, alor ki i pa ti'n ankor ganny sirkonsi. Konmsa, Abrahanm in vin papa tou sa bann ki krwar dan Bondye menm san ganny sirkonsi, me ki Bondye osi i konsider koman bann zis.

Nonm 14:12

Mon pou detri zot par en lepidemi e dezerit zot. Mon pou fer sorti dan ou en gran nasyon pli gran e pli for ki zot.”

1 Rwa 1:47

Menm bann serviter lerwa in vin felisit lerwa David. Zot dir: Nou espere ki ou Bondye i fer renonmen Salomon vin pli gran ki pour ou, e son renny ava vin pli gran ki pour ou. Alor, lerwa ti prosternen lo son lili

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zenez 24:1

Abrahanm ti'n vye, en bon laz e SENYER ti'n beni li dan tou keksoz.

Zenez 25:11

Apre lanmor Abrahanm, Bondye ti beni Izaak son garson. Izaak ti reste pre kot pwi Lahai-Roi.

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Nonm 22:12

Bondye ti dir Balaanm, “Ou pa pou al avek zot. Ou pa pou modi sa pep, akoz i en pep beni.”

Nonm 23:20

Mon'n ganny lord pour beni. Ler Bondye i beni, mon pa kapab ranvers li.

Psonm 107:38

SENYER i beni zot e zot popilasyon i ogmante; i pa les zot troupo diminyen.

Ezekyel 34:26

Mon pou fer zot viv dan rezyon mon montanny sakre; mon pou fer lapli tonbe dan son sezon; sa i ava lapli benediksyon.

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!

Zenez 17:20

Kanta Ismael, mon'n antann ou demann; mon pou beni li e donn li bokou zanfan e ogmant son bann desandan. I pou vin papa 12 sef e mon pou fer li vin en gran nasyon.

Liv Zob 35:8

Ou mesanste i afekte zis zonm parey ou, e dibyen ki ou fer i itil zis pour en et imen parey ou.

Ezai 51:2

Lev zot lizye ver Abrahanm, zot zanset e ver Sara ki'n donn zot nesans. Abrahanm ti napa zanfan ler mon ti apel li; apre, mon ti beni li e donn li bokou desandans.