Zenez 12:1 - Labib An Kreol Seselwa

¹ SENYER ti dir Abranm, “Kit ou pei, ou fanmir e lakaz ou papa e al dan sa pei ki mon pou montre ou.

Zenez 12:1 Referans Kwoze

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Nehemi 9:7

Ou menm SENYER, Bondye, ki ti swazir Abranm, ki ti fer li sorti Our, dan pei bann Kaldeen. I ti donn li non Abrahanm.

Ezai 51:2

Lev zot lizye ver Abrahanm, zot zanset e ver Sara ki'n donn zot nesans. Abrahanm ti napa zanfan ler mon ti apel li; apre, mon ti beni li e donn li bokou desandans.

Zenez 15:7

I ti dir li, “Mwan menm SENYER ki'n fer ou sorti Our, dan pei bann Kaldeen pour donn ou sa pei koman ou posesyon.”

Ezekyel 33:24

Ou ki en imen, ekoute: Bann zabitan dan bann landrwa devaste dan pei Izrael pe kontinyen dir: Abrahanm ki ti en zonm tousel, me i ti ganny posesyon sa pei. Tandis ki nou, nou nonbre, alor, se nou ki devre ganny posesyon sa pei.

2 Korentyen 6:17

Pour sa rezon, sorti parmi zot, e separe avek zot, Senyer i deklare. Pa tous okenn keksoz enpir, e mon ava resevwar zot.

Ezai 41:9

mon'n ranmenn ou depi dan bout later mon'n apel ou depi bann kwen pli elwannyen. Avek ou ki mon ti dir: Ou menm mon serviter! Mon'n swazir ou e mon pa'n rezet ou!

Revelasyon 18:4

Apre, mon ti antann en lot lavwa sorti dan lesyel ki ti dir: Mon pep! Sorti dan sa lavil, pour ou pa partisip dan son bann pese e pour ou pa resevwar en par dan son bann fleo.

Zenez 20:13

Kan Bondye ti fer mwan sorti kot mon papa, mon ti dir Sara: Fer mwan sa faver ki dan tou landrwa kot nou ale, ou ava dir ki mwan ou frer.”

Zenez 24:4

Ou pou al dan mon pei, parmi mon pep kot mon sorti, pour swazir en fanm pour mon garson, Izaak.”

Zenez 26:2

SENYER ti aparet avek Izaak. I ti dir li, “Pa al Lezip. Reste dan sa pei ki mon pou montre ou.

Ezai 37:12

Eski bann bondye bann nasyon in delivre zot, sa bann nasyon ki lezot lerwa in detri: Gozann, Harann, Resef ek bann pep Edenn ki ti dan Telasar?

Zenez 24:7

SENYER, Bondye lesyel, ki'n pran mwan dan lakaz mon papa e dan pei kot mon ti ne, i'n koz avek mwan. In promet pour donn mwan en desandans dan sa pei. I pou anvoy son lanz pour gid ou, e ou ava swazir en fanm pour mon garson laba.

Zenez 24:38

me ou ava al kot lakaz fanmir mon papa, parmi mon pep e swazir en fanm pour mon garson.

Nonm 10:30

Hobab ti reponn li, “Non! Mon pa pe vini, mon pe retourn dan mon fanmir kot mon sorti.”