Zenez 11:7 - Labib An Kreol Seselwa

⁷ Annou desann e brouy zot langaz pour zot pa konpran kanmarad.

Zenez 11:7 Referans Kwoze

Psonm 33:10

SENYER i kas plan bann nasyon; i anpes zot realiz zot bann proze.

Psonm 55:9

SENYER! Konfiz plan mon bann lennmi. Met divizyon parmi zot, akoz mon war vyolans ek konfli dan lavil.

Zenez 1:26

Apre, Bondye ti dir: Annou kree et imen dan nou limaz e dan nou resanblans. I ava soumet anba son dominasyon, tou pwason dan lanmer, tou zwazo dan lesyel ek tou bann zannimo lo later!

1 Korentyen 14:23

Sipoze ki Legliz antye i rasanble e ki tou dimoun i konmans koz dan bann lalang enkoni e sipoze ki bann dimoun senp oubyen bann non-krwayan i antre la kot zot ete; pa zot pou dir zot fou?

Zeremi 5:15

Zabitan Izrael! Mon pe anvoy kont ou, en pep ki sorti lwen. I pou atak ou. I en pep for e ansyen ki pa'n zanmen perdi okenn lager. Zot pa ni konn son langaz, ni kapab konpran li.

Psonm 2:4

Depi son tronn dan lesyel kot i asize, SENYER i riye, i pa pran ka.

Liv Zob 12:20

I ferm labous bann gran kozer; i fer bann vyeyar perdi zot bon sans.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.

Ezai 6:8

Alor, mon ti antann lavwa SENYER ki ti demande, Lekel mon pou anvoye? Lekel ki pou al dan nou plas? Mon ti dir: La mon la! Anvoy mwan!

Zenez 42:23

Zot pa ti konnen ki Zozef ti konpran sa ki zot ti pe dir, akoz i ti servi en lenterpret pour koz avek zot.

Zenez 11:5

SENYER ti desann pour war sa lavil ek sa tour ki bann imen ti'n konstri.

Zenez 10:20

Sa ti bann desandan Kanm par fanmir, dapre pei e dapre zot nasyon.

Zenez 3:22

Apre, SENYER Bondye ti dir, “Zonm in vin parey nou avek konnesans lebyen ek lemal. Fodre anpes li manz fri sa pye dibwa ki donn lavi, sankwa i pou viv pour touzour.”

Zenez 10:32

Sa ti fanmir bann garson Noe dapre zot desandans, par nasyon. Apartir zot ki'n sorti tou bann nasyon ki'n disperse partou lo later apre deliz.

Zenez 10:5

Bann zabitan lo lakot ti zot desandan. Sa ti bann garson Zafet. Sakenn ti ganny dapre son langaz, son nasyon e dapre son klan.

Egzod 4:11

SENYER ti dir li, “Lekel ki'n donn en et imen en labous? Lekel ki rann dimoun kozpa, oubyen sourd, war kler oubyen aveg? Pa mwan SENYER, ki fer tousala?

Ezai 33:19

Ou pou nepli war bann arogan, sa pep ki koz en lalang ki ou pa kapab sezi, ki koz dan en lalang ki ou pa kapab konpran.