Zenez 10:5 - Labib An Kreol Seselwa

⁵ Bann zabitan lo lakot ti zot desandan. Sa ti bann garson Zafet. Sakenn ti ganny dapre son langaz, son nasyon e dapre son klan.

Zenez 10:5 Referans Kwoze

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Zeremi 2:10

Alor, travers lanmer lo kote Was. Ale ziska zil Sip e gete. Anvoy en dimoun kot bann Arab ki reste Kedar. Zot ava dekouver ki zanmen en keksoz parey in arive avan.

Zeremi 25:22

tou bann lerwa Tir, Sidon, ek bann ki lot kote lanmer;

Ezai 42:4

I pa pou dekouraze ni abandonnen, ziska ki i etabli lazistis lo later; bann pei lwenten pe esper son lansennyman.

Zenez 10:20

Sa ti bann desandan Kanm par fanmir, dapre pei e dapre zot nasyon.

Ezai 60:9

Zabitan bann zil pou met zot lespwar dan mwan. Bann bato sorti Tarsis, an premye ki pou anmenn ou bann garson ki sorti byen lwen, avek zot kargezon larzan ek lor pour loner non SENYER ou Bondye e pour Bondye Sen Izrael, akoz in glorifye ou.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Ezai 51:5

Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Ezai 42:10

Sant en nouvo kantik an loner SENYER! Sant son louanz depi dan bout later! Loue li! Zot ki vwayaz lo lanmer e zot zabitan bann zil!

Ezai 41:5

Bann zil in war e zot per; later antye i tranble. Zot pe aprose, zot pe vini.

Ezai 40:15

Bann nasyon i parey en gout delo obor en seo. Zot pa pez plis ki lapousyer dan en balans. Zabitan bann zil pa pez plis ki en gren lapousyer ki anvole.

Ezai 24:15

Zabitan dan rezyon Les! Rann glwar SENYER. Zot ki reste dan bann zil! Loue non SENYER, Bondye Izrael.

Psonm 72:10

Bann lerwa Tarsis ek dan bann zil ava anmenn kado pour li. Bann lerwa Seba ek Saba ava donn li bann lofrann.

Zenez 10:25

Heber ti ganny de garson: Premye ti apel Peleg, savedir Divizyon, akoz dan son lepok, later ti ganny divize. Son frer ti apel Yoktann.

Zenez 10:4

Bann garson Yavann: Elisa, Tarsis, Kitim ek Rodanim.

Zenez 10:6

Bann garson Kanm: Kous ek Misraim, Pout ek Kanaan.

Ezekyel 26:15

La sa ki Senyer BONDYE i deklare kont Tir: Bann zabitan bann zil pou tranble kan zot pou tande ki ou'n ganny detri; kan zot pou antann ou lamante e ganny nouvel ki ou bann zabitan in ganny masakre.

Ezekyel 26:18

Pep bann zil ti tranble zour ou ti tonbe. Zabitan bann zil ti per akoz ou nepli egziste.

Danyel 11:18

Apre i pou tourn ver bann rezyon lakot e i pou kaptir bokou pei. Me en sef pou fer arete son larogans san ki i fer parey.

Zenez 9:19

Desandans sa trwa garson Noe ti peple later antye.

Zenez 10:32

Sa ti fanmir bann garson Noe dapre zot desandans, par nasyon. Apartir zot ki'n sorti tou bann nasyon ki'n disperse partou lo later apre deliz.

Deterononm 32:8

Kan Bondye Treo ti donn bann nasyon zot patrimwann, kan i ti separ bann imen, i ti fikse teritwar bann pep; i ti plas sak pep anba lotorite en et seles.

Ester 10:1

Lerwa Zerzes ti etabli en taks lo pei ek bann zil lanmer.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.