Zenez 1:16 - Labib An Kreol Seselwa

¹⁶ Bondye ti fer de gran lalimyer: Sa pli gran lalimyer, soley, pour kontrol lizour e sa pli pti lalimyer, lalin, pour kontrol aswar. I ti osi fer bann zetwal.

Zenez 1:16 Referans Kwoze

Deterononm 4:19

Kan ou ava lev ou lizye ver lesyel e war soley, lalin, bann zetwal e tou sa ki i annan dan lesyel, pa les ou ganny tante e prosternen devan zot e servi zot. Tousala, SENYER, ou Bondye ki'n donnen avek tou bann pep ki viv anba lesyel.

Psonm 8:3

Ler mon admir grander lesyel ki ou'n fer, lalin ek bann zetwal ki ou'n met an plas,

Ezai 40:26

Lev ou lizye lao e gete: Lekel ki ti kree tousala? Sa enn ki mobiliz son larme, ki apel sakenn zot par son non, par son gran pouvwar e son gran lafors, san ki en sel i manke.

Psonm 148:5

Zot tou! Loue non SENYER. Akoz i ti donn lord e zot ti ganny kree.

Psonm 74:16

Lizour i pour ou, lannwit i pour ou. Ou ki'n enstal lalin ek soley.

Psonm 148:3

Soley ek lalin! Loue li. Loue li! Tou bann zetwal ki briye.

Liv Zob 38:7

letan bann zetwal granmaten ti pe sant anker e tou bann garson Bondye ti pe kriye avek lazwa?

1 Korentyen 15:41

Soley i posed son prop labote, lalin i posed en lot labote e zetwal i posed en lot ankor. Labote sak zetwal i diferan avek en lot.

Matye 27:45

Apartir midi, pei antye ti dan fernwanr pandan 3 erdtan.

Habakouk 3:11

Soley ek lalin i reste san bouze devan lalimyer ou bann dart, devan zekler ou bann lans.

Ezai 45:7

Mwan ki fer lalimyer e kree fernwanr. Mon fer boner e mon fer maler. Mwan menm SENYER ki fer tousala.

Ezai 13:10

Annefe, bann zetwal ek zot bann konstelasyon pa pou donn okenn lalimyer. Soley leve pou sonm e lalin pa pou donn son laklerte.

Psonm 19:6

I leve lo en bout lorizon e i fini son lakours lo lot kote. Napa nanryen ki sap son lasaler.

Revelasyon 21:23

Lavil pa bezwen ni soley, ni lalin pour ekler li, akoz laglwar Bondye i son lalimyer, e Zenn Mouton i son lalanp.

Ezai 24:23

Apre sa, lalin pou vin rouz; soley pou kouver avek laont, akoz SENYER liniver pou rennyen lo montanny Siyon e dan Zerizalenm. Son mazeste pour ganny manifeste devan son bann ansyen.

Liv Zob 31:26

si ler mon ti war soley briye dan lesyel, oubyen lalin dan tou son splander;

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Zenez 1:15

Bann lalimyer dan lesyel ava donn laklerte lo later! Sa ti arive.

Zeremi 31:35

La sa ki SENYER i deklare: Lekel ki donn soley pour klere pandan lizour? Lekel ki komann lalin ek bann zetwal pour klere lannwit? Lekel ki fer lanmer azite e laroul ronfle? Sa i SENYER liniver.